Marcos 7:14 - Chayahuita (Shahui)

¹⁴ Naquëranchin piyapiꞌsaꞌ përasahuaton, aꞌchintantarin. —Yaꞌipinquëmaꞌ natanco noꞌtëquën yonquicamaso marëꞌ.

Marcos 7:14 ပူးပေါင်းရင်းမြစ်များ

1 Reyes 18:21

Naporo Iniasëso israiroꞌsa yaꞌcarirahuaton, itapon: —Ama huachi cato imatocosohuëꞌ. Sinioro Yosë nipachin inasáchin imacoꞌ. Paaronta Yosë nipachin, ina nipachin imacosoꞌ, itërin. Napotohuachina co aꞌpanitopihuëꞌ.

1 Reyes 22:28

Micaiasëso napoaponahuëꞌ, taantarin: “Noya huënantahuatansoꞌ, co tëhuënchachin Sinioro noninsoꞌ shaꞌhuirahuëꞌ,” tënin.

Proverbios 8:5

Naꞌaquëma huiꞌnapinquëma niꞌton, co noya yonquiátëraramahuëꞌ. Naponin yonquiramasopitantaꞌ, yonquínahuan nicacamasoꞌ nohuantocoꞌ.

Isaías 6:9

Napotohuatora: “Paaton nipachin piyapinëhuëpita shaꞌhuitëquëꞌ: ‘Onponta nanamëhuë natanpiramahuëꞌ, co natëtaramahuëꞌ. Maꞌpitaso ninahuëso niꞌsápomarahuë tërantaꞌ, co yonquiaramahuëꞌ,’ tënin Sinioro, itonquëꞌ.

Mateo 15:10

Ina quëran piyapiꞌsaꞌ përasahuaton, aꞌchintërin. —Yaꞌipinquëmaꞌ natanco noꞌtëquën yonquicamaso marëꞌ.

Marcos 7:13

Ina pochin niaꞌchintatomaꞌ, co Yosë quiricanën natëramahuëꞌ. Huiꞌnamapitantaꞌ aꞌchintëramaꞌ inapochachin nicacaiso marëꞌ. Inapochachin pochin naꞌcon nisha nisha niaꞌchintëramaꞌ, itërin Quisosori.

Marcos 7:15

Co mantaꞌ maꞌsha yaꞌhuërinhuëꞌ nonënpoaquë yaꞌconahuaton, aoshahuaninpoasoꞌ. Cancanënpoa quëran pipirinsoꞌ tëhuënchinsoꞌ aoshahuaninpoaꞌ. [

Lucas 12:1

Huaꞌhuayatërahuëꞌ piyapiꞌsaꞌ niyontonpi Quisoso natanacaiso marëꞌ. Naꞌa huaranca yamorapi niꞌton, niyaꞌquëtapi. Caꞌtanoꞌsanënpita aꞌchintaton, itapon: “Tëhuënchachin iyaroꞌsaꞌ, parisioroꞌsaꞌ yanonpinpi. Napoaton aꞌchinpisoꞌ, pan ahuëpocatërinso pochin niconaton aꞌnaroáchin piyapiꞌsaꞌ yanonpintopi. Niꞌcona nonpintochinënquëmaꞌ.

Hechos 8:30

Pinipisoꞌ taꞌarahuaton, yaꞌyoranconin. Isaiasë ninshitërinsoꞌ nontaquëyaꞌ, natanin: —Nontëransoꞌ iyasha, ¿nitotëran ti? itërin.