Marcos 6:56 - Chayahuita (Shahui)

⁵⁶ Intohuaso tërantaꞌ Quisoso paꞌpachina, inatohuaꞌ caniaꞌpiroꞌsaꞌ quëparapi. Nisha nisha ninanoquë paꞌsarin. Aꞌnaquën pancana. Aꞌnaquën caraíchin piyapi yaꞌhuëpirinhuëꞌ, insëquësona paꞌpachina, cachiquë caniaꞌpiroꞌsaꞌ acopi. “Quëma aꞌmoransoꞌ huirotën tërantaꞌ sëꞌhuatonaꞌ, noyachinaꞌ,” tosapi. “Inta nipachin, sëꞌhuainaꞌ,” topachina, sëꞌhuapi. Insoarisona sëꞌhuahuachinaꞌ, aꞌnaroáchin noyatopi huachi.

Marcos 6:56 ပူးပေါင်းရင်းမြစ်များ

2 Reyes 13:21

Aꞌna tahuëri inapita huëcasoiꞌ, israiroꞌsanta chimipi paꞌpitapi. Co huëꞌsapiso nicatonaraihuëꞌ naporapirinahuëꞌ, aꞌnanaya yaꞌnohuachinara paꞌyanpi. Paꞌyanënaquë chimipisoꞌ, Irisioco poꞌmopi pirayan tëꞌyatopi. Napotatona taꞌananpipi. Chimipiso napoaponahuëꞌ, Irisio nansëquën cari cariaso chachin nanpiantarahuaton, huanirin.

Mateo 14:36

“Quëma aꞌmoransoꞌ huirotën tërantaꞌ sëꞌhuatonaꞌ, noyachinaꞌ,” itopi. “Inta nipachin sëꞌhuainaꞌ,” topachina, sëꞌhuapi. Insoarisona sëꞌhuahuachina, aꞌnaroáchin noyatopi.

Mateo 9:20

Paaquëyaꞌ, aꞌna sanapiri imaquiarin. Huaꞌquiꞌ panca huënaiꞌ aꞌparin. Nani shonca catoꞌ piꞌipi co sanorinhuëꞌ. Parisitárin. “Aꞌmorinso tërantaꞌ sëꞌhuatohuato, anoyataponco,” taꞌton pinën quëran imaquiarin. Imaquiton, aꞌmorinsoꞌ huirotëínchin sëꞌhuaquirin.

Marcos 6:55

Manorahuatonaꞌ, yaꞌipi ina parti paꞌsahuatonaꞌ, pëiroꞌsaquë paꞌpi. Naꞌa caniaꞌpiroꞌsaꞌ pëꞌsaraꞌhuayaquë quëpi anoyatacaso marëꞌ. “Pasëquë Quisoso yaꞌhuarin,” itohuachinara, inaquë quëpi.

Lucas 22:51

—Tananpitëquëꞌ iyasha. Ama ahuëquësohuëꞌ, itërin Quisosori. Ina quëran sëꞌhuahuëratërahuaton, aꞌnaroáchin anoyatërin.

Lucas 6:19

Yaꞌipiya Quisoso sëꞌhuacaisoꞌ nohuantopi. Sëꞌhuahuachinara, ina nohuanton, aꞌnaroáchin noyatopi.

Lucas 8:44

Quisoso pinën quëran huëcaton, aꞌmorinsoꞌ huirotëínchin sëꞌhuaquirin. Sëꞌhuahuachina, aꞌnaroáchin huënaiꞌ noꞌnarin.

Hechos 4:12

Quisocristoíchin anoyacancantërinpoaꞌ. Co aꞌna nanitërinhuëꞌ nichaꞌëinpoasoꞌ. Inaíchin nanitërin nichaꞌëinpoasoꞌ, itërin Pitrori.

Hechos 4:9

Tëhuënchachin co quiyaora nanitëraihuëꞌ apia anoyataꞌhuaisoꞌ. “¿Onporahuatomataꞌ anoyatëramaꞌ?” itëramacoi niꞌton,

Hechos 5:15

“Quisosori catahuarin niꞌton, caꞌtanoꞌsaꞌ nani maꞌsha nanitapapi,” taꞌtonaꞌ, naꞌa caniaꞌpiroꞌsaꞌ quëntarahuatonaꞌ, cachiquë acoonpi anoyatacaiso marëꞌ. Aꞌnaquën nantëtërë chachin acoonpi. Aꞌnaquëontaꞌ sahuanasaquë tërantaꞌ aquëhuënpi. “Pitro paꞌpachin, huaꞌyanën tërantaꞌ tashinantohuachin, noyatapon nimara,” taꞌtonaꞌ, quëntapi.