Marcos 6:48 - Chayahuita (Shahui)

⁴⁸ Caꞌtanoꞌsanënpita yaꞌipi tashiꞌ maitopirinahuëꞌ. Ihuan nacapiatonaꞌ, co nanitopihuëꞌ chiníquën pacacaisoꞌ. Canotopi huachi. Ina niꞌsahuaton, co tahuëriyátërasohuëꞌ, Quisoso paꞌnin. I aipi iꞌnarahuaton, noꞌpa pochin paꞌtarin. Poti nani icantaponahuëꞌ, naꞌhuëtatë pochin nisarin.

Marcos 6:48 ပူးပေါင်းရင်းမြစ်များ

Génesis 19:2

Monshorin quëran itapon: —Caso siniororoꞌsa piyapinëma pochinco. Huëco pëinëhuëquë onpopionta huëꞌëcamaso nohuantocoꞌ. Inaquë nanitërama nipaꞌmorantëcamasoꞌ. Tashiraya yapaꞌpatama paantacoꞌ, itërin. Napotopirinhuëꞌ, inapitaso co nohuantopihuëꞌ. —Naporinchi paya. Napopiranhuëꞌ co nohuantëraihuëꞌ. Caniquë tëranta noya huëꞌëpoi, itopi.

Génesis 32:26

Quëmapi yaꞌnorinsosoꞌ, Cacopo itapon: —Aꞌpoco huachi, nani tahuëririarin, itërin. —Coꞌsoꞌ noya yaꞌhuëcaꞌhuaso marëꞌ shaꞌhuitohuatancohuëꞌ, co aꞌpoaranquënhuëꞌ, itërin inarintaꞌ.

Salmos 104:3

Marë aipi inápa pëꞌsatëꞌ pëi pochin yaꞌhuëcamaso marëꞌ acoran. Chitorontaꞌ, toronanën pochin quëparinquën. Ihuaontaꞌ, anpiantëhuan pochin nicaton, quëparinquën.

Salmos 93:4

Quëmaso napoaponahuëꞌ, inápaquë yaꞌhuëran. Marëroꞌsa coꞌsacaitatona tënëntopi quëran chini chiníquën nanantëran.

Éxodo 14:24

Imasapirinahuë tahuëri yaꞌcari nisapasoꞌ, Yosëri iquipitoroꞌsa maꞌsha onpotacaso yonquirin. Naporopi chitoro pën pochin yaꞌnorin quëran, panca maꞌsha onpotërin. Napoaton iquipitoroꞌsa panca paꞌyanpi.

Isaías 54:11

Sinioro naporin: “Quirosarin ninanosoꞌ, sëtoro nisárin. Panca ihuani tëꞌyatërinso pochin ninin. Co incari tëranta noya nontatë achinincancanëso pochin nitërinhuëꞌ. Napoápirinhuëꞌ, anoyataantacaso marëꞌ yara naꞌpi paꞌton nininsoquë anoyataantarahuë. Pairanën paquëmarinsontaꞌ, sapiro naꞌpi quëran acoarahuë.

Mateo 14:24

Caꞌtanoꞌsanënpitaso nipirinhuëꞌ, sonoꞌ huancanaiꞌ tashitopi. Yaꞌipi tashiꞌ maitopirinahuëꞌ, panca ihuan nacapiatonaꞌ, co nanitopihuëꞌ chiníquën paacaisoꞌ. Poti opoto opototarin.

Mateo 24:43

Niꞌcoꞌ. Ihuatëꞌ aꞌnanaya huëꞌpachina, pëiquë yaꞌconin. Huaꞌanën co nicasohuëꞌ, maꞌsha ihuarin. Onporosona huëcacasoꞌ nitotërin naporini, huaꞌanëni ninaitonhuëꞌ, co pëinënquë yaꞌconacasoꞌ nanichitonhuëꞌ.

Marcos 13:35

Onporosona pëiꞌ huaꞌanën huënantacasoꞌ co nitotopihuëꞌ. ‘Iꞌhuaraya huarëꞌ huëcapon nimara. Yonotashiꞌ aꞌnaꞌ huëcapon nimara. Atari përasahuasoꞌ, huëcapon nimara. Tashíramiachin huëcapon nimara,’ topi. Inapochachin canpitantaꞌ oꞌmantaꞌhuaso tahuëri co nitotatomahuëꞌ, nináco.

Marcos 6:47

Tashihuachina, caꞌtanoꞌsanënpitasoꞌ potiquë paꞌsapirinahuëꞌ, sonoꞌ huáncoanaiꞌ tashitopi. Quisososoꞌ inaoraíchin quëparitërin.

Marcos 6:49

I aipi paꞌsarinsoꞌ quënanahuatonaꞌ, paꞌyanpi. “Huaꞌyan” taꞌtonaꞌ, “ëë” topirinahuëꞌ.

Lucas 12:38

Yono tashihuë nipon, tahuëri yaꞌcarihuë nipon, huënantarin. Co huëꞌëponaraihuëꞌ ninarapi quënanquintahuachina, noya niꞌsarin.

Lucas 24:28

Ninanonënaquë canconpachinara, Quisoso yanaꞌhuëpirinhuëꞌ:

Juan 1:13

Yaꞌipinpoaꞌ piyapi quëran nasitërëhuaso nipirëhuahuëꞌ, co ina quëran Yosë huëntonënquë yaꞌconëhuahuëꞌ. Co piyapi nanitërinhuëꞌ ayaꞌcoꞌinpoasoꞌ. Co canpoara nohuanton, yaꞌconëhuahuëꞌ. Yosëíchin ayaꞌconinpoaꞌ. Ina quëran huiꞌninpita pochin niꞌninpoaꞌ.

1 Samuel 11:11

Tahuëririnquë Saonosoꞌ, sontaronënpita cara huënton acorin. Naporahuaton coꞌhuara tahuëriyátërasohuëꞌ, inimicoroꞌsa yaꞌhuëapiquë yaꞌcontonpi. Napotatona paꞌpi notohuaroꞌ Amon sontaroꞌsa tiquipi. Camotëchin huarëꞌ ahuëatona napotopi. Caraíchin co tëpapisopitahuëꞌ ayanquëëtopi. Napoaton aꞌnaya aꞌnaya taꞌapi.