Marcos 6:46 - Chayahuita (Shahui)

⁴⁶ Nani nontohuachina, inaora paꞌnin aꞌna motopiaꞌhuayaquë Yosë nontacaso marëꞌ.

Marcos 6:46 ပူးပေါင်းရင်းမြစ်များ

Mateo 14:23

Nani nontohuachina, panënquë inaora paꞌnin Yosë nontacaso marëꞌ. Inaquë Yosë nontasoꞌ, tashitërin.

Mateo 6:6

Canpitaso nipirinhuëꞌ Yosë yanontohuatamaꞌ, canpitaoráchin onpopiyanquë tërantaꞌ Yosë nontacasoꞌ yaꞌhuërin. Quëmaoraíchin Yosë nontëquëꞌ. Co quënanpiranhuëꞌ, nataninquën. Co piyapiꞌsaꞌ natanpirinënquënhuëꞌ, Yosësoꞌ noya natanatënquën, acanaarinquën.

Marcos 1:35

Tahuëririnquë coꞌhuara noya huënihuayantërasohuëꞌ, Quisoso huënsërahuaton ninano quëran pipirin. Co piyapi yaꞌhuërinquëhuëꞌ Yosë nontacaso marëꞌ inaoraíchin paꞌnin.

Marcos 6:47

Tashihuachina, caꞌtanoꞌsanënpitasoꞌ potiquë paꞌsapirinahuëꞌ, sonoꞌ huáncoanaiꞌ tashitopi. Quisososoꞌ inaoraíchin quëparitërin.

Lucas 6:12

Ina quëran Quisoso aꞌna motopiaꞌhuaquë paantarin Yosë nontacaso marëꞌ. Yaꞌipi tashiꞌ Yosë nontárin.

Hechos 18:18

Huaꞌquiꞌ Paono inaquë yaꞌhuantarin. Ina quëran Quisoso imapisopita nontahuaton, paꞌnin huachi. Aquiro saꞌinë chachin paꞌpi antaꞌ. Nanchaquë Siria parti yapantapirinahuëꞌ. Sincriaquë canconahuaton, Paono noyá niyaꞌitërin. Yosë shaꞌhuitërinsoꞌ nanirin niꞌton, naporin. Ina quëran nanchaquë yaꞌconpi.

Hechos 18:21

“Aꞌna tahuëri Yosë nohuantohuachin, huëantarahuë,” tënin. Ina quëran nanchaquë yaꞌcoantarahuaton, paantarin.

2 Corintios 2:13

Napoaponahuëꞌ, iꞌhua chachin iya Tito canpitataquë aꞌpapirahuëꞌ. Co huënantarinhuë niꞌton, co sano cancantërahuëꞌ. “¿Onpoatoncha co iyasha huëntarinhuë nicaya?” taꞌto, piyapiꞌsaꞌ noyasha nontahuato, Masitoniaquë paꞌnahuë.

1 Pedro 2:21

Ina pochin ahuantacasoꞌ Yosë nohuantërin. Quisocristo canpoa marëꞌ parisitërin. Parisitaton, aꞌchintërinpoaꞌ canpoantaꞌ ina pochin ahuantacasoꞌ. Ina iyaroꞌsaꞌ nonancoꞌ.