Marcos 6:41 - Chayahuita (Shahui)

⁴¹ Ina quëran aꞌnatërapoya pan, catoya sami, inapita maꞌparin. Inápaquë nëꞌpëtahuaton, Yosë nontërin. “Yosparinquën, Tata,” itahuaton, pan sëꞌpanin. Ina quëran caꞌtanoꞌsanënpita quëtërin piyapiꞌsaꞌ quëtacaiso marëꞌ. Sami sëꞌpaninsontaꞌ quëtëraꞌpiapi. Inaíchin nipirinhuëꞌ, yaꞌipi piyapi ananitërin.

Marcos 6:41 ပူးပေါင်းရင်းမြစ်များ

Mateo 14:19

Ina quëran piyapiꞌsaꞌ shaꞌhuitërin pastoquë huënsëcaiso marëꞌ. Nani huënsëhuachinara, Quisosori aꞌnatërapoya pan, catoya sami, inapita manin. Masahuaton, inápaquë nëꞌpëtahuaton, Yosë nontërin. “Yosparinquën, Tata,” itahuaton, pan, sami, inapita sëꞌpanahuaton, caꞌtanoꞌsanënpita quëtërin. —Piyapiꞌsaꞌ quëtoncoꞌ caꞌinaꞌ, itohuachina, quëtëraꞌpiapi.

Mateo 15:36

Nani huënsëhuachinara, canchisë pan, sami, inapita masahuaton, Yosë nontërin. “Yosparinquën Tata,” itërin. Ina quëran sëꞌpanahuaton, caꞌtanoꞌsanënpita quëtërin piyapiꞌsaꞌ quëtacaiso marëꞌ. Yaꞌipi quëtëraꞌpiapi.

Mateo 26:26

Coshatasoiꞌ, pan masahuaton Yosë nontërin. “Yosparinquën, Sinioro” itahuaton, sëꞌpanin. Ina quëran caꞌtanoꞌsanënpita quëtërin. —Caꞌcoꞌ iyaroꞌsaꞌ. Ca nonëhuë pochin isoꞌ, itërin.

Marcos 14:22

Coshatasoiꞌ, pan masahuaton, Yosë nontërin. “Yosparinquën Tata,” itahuaton, sëꞌpanin. Ina quëran, caꞌtanoꞌsanënpita quëtëraꞌpiarin. —Caꞌcoꞌ iyaroꞌsaꞌ. Ca nonëhuë pochin isoꞌ, itërin.

Marcos 6:40

Aꞌnaquën aꞌnatërápo shonca, aꞌnatërápo shonca, aꞌnaquën pasa, pasa huënsëpi.

Marcos 6:42

Yaꞌipi piyapiꞌsaꞌ natëaquë huarëꞌ coshatopi.

Marcos 7:34

Inápaquë nëꞌpëtahuaton, sëtërin quëran panca nii oꞌhuarin. Ina quëran Yosë nontahuaton: “¡Ipata!” itërin. “¡Nëꞌhuëransoꞌ inquiquëꞌ!” tapon napotërin.

Marcos 8:19

Iꞌhua chachin aꞌnatërapoíchin pan nipirinhuëꞌ, aꞌnatërápo huaranca piyapiꞌsaꞌ ananitërahuë. ¿Onpo iꞌmëtaꞌ naporoꞌ pëꞌsotopisoꞌ amëntatëramaꞌ? itërin. —Shonca catoꞌ iꞌmëꞌ, itopi.

Lucas 24:30

Yacoshatohuachinaꞌ, Quisosori pan manin. “Yosparinquën,” Yosë itahuaton, sëꞌpanin. Sëꞌpanahuaton, quëtërin.

Lucas 9:16

Nani huënsëhuachinara, Quisosori aꞌnatërapoya pan, catoya sami, inapita maꞌpatërin. Inápaquë nëꞌpëtahuaton, Yosë nontërin: “Yosparinquën, Tata,” itahuaton, pan, sami, inapita sëꞌpanahuaton, caꞌtanoꞌsanënpita quëtërin. “Piyapiꞌsaꞌ quëtoncoꞌ caꞌinaꞌ,” itërin.

Juan 11:41

Ina quëran naꞌpi chiꞌhuincatopi. Quisoso inápaquë nëꞌpëtahuaton, Yosë nontërin: —Nani Tata nontëranquën catahuancoso marëꞌ. Natanatonco, catahuaranco mini. Ina marëꞌ “Yosparinquën,” itëranquën.

Juan 17:1

Ina tosahuaton, inápaquë nëꞌpëtërin Yosë nontacaso marëꞌ: “Nani Tata ora naniarin chiminaꞌhuasoꞌ. Aparisitohuachinaco, catahuaco quëma pochachin cancantato, noya natëinquën. Ina quëran aꞌnapita nicatonaco, noya noya yonquiarinënquën. Quëma huiꞌnanco niꞌto, napotaranquën.

Juan 6:11

Quisosori aꞌnatërapoya pan masahuaton, Yosë nontërin. “Yosparinquën, Tata,” itahuaton, piyapiꞌsaꞌ quëtërin capacaiso marëꞌ. Samirë chachin quëtëraꞌpiarai. Yaꞌipi piyapiꞌsaꞌ natëaquë huarëꞌ coshatopi.

Juan 6:23

Napoasoi, potiroꞌsanta Tipiriasë quëran huëꞌpisoꞌ canquirapi quënanpi. Quisoso cosharoꞌ anaꞌataton piyapiꞌsaꞌ aꞌcarinsoꞌ yaꞌcari nonshiipi.

Hechos 27:35

Itahuatoncoi, pan manin. Yaꞌipiya niꞌtërantapaiquë, Yosë nontërin. “Yosparinquën Tata Yosë,” itahuaton, sëꞌpanin. Ina quëran coshatarin.

Romanos 14:6

Ma tahuërisona chinotohuatamaꞌ, Yosë yonquiatomaꞌ, ina chinotaramaꞌ. Inapochachin nosha caꞌpatamaꞌ, Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ. Co nosha caꞌnaꞌpinquëmahuëntaꞌ Yosë yonquiatomaꞌ, coshatëramaꞌ. “Yosparinquën, Sinioro,” itëramaꞌ canpitantaꞌ.

1 Corintios 10:31

Maꞌsona tërantaꞌ nipatamaꞌ, Yosë yonquiatomaꞌ, noya nicoꞌ aꞌnapitantaꞌ Yosë noya yonquicaiso marëꞌ. Napoaton coshatohuatamaꞌ, oꞌopatamaꞌ, maꞌsona tërantaꞌ nipatamaꞌ, ina yonquicoꞌ.

Deuteronomio 8:10

Napoaton nani coshatatoma natëhuatamaꞌ, Sinioro chinotocoꞌ. Chinotatomaꞌ: ‘¡Ma noyacha Yosëso niꞌton, noyaroꞌpaꞌ quëtërinpoa paya!’ tocoꞌ,” itërin.

Colosenses 3:17

Maꞌsona tërantaꞌ yanipatamaꞌ, Sinioro Quisoso yonquiatomaꞌ, nicoꞌ. Ina yonquiatomaꞌ, noya noncoꞌ. Quisoso catahuarinquëmaꞌ niꞌton, “Yosparinquën,” Tata Yosë itocoꞌ.

1 Samuel 9:13

Canconpatamaꞌ, aꞌnaroáchin yonícoꞌ. Coꞌhuara inaquë paꞌshátërasohuëꞌ, yaꞌcopiontacoꞌ. Inasoꞌ, inaquë capon paꞌsarin. Coꞌhuara ina canshátërasohuëꞌ, co aꞌnapitaso caponahuëꞌ. Ina cancona huarëꞌ caponaꞌ. Inari maꞌsha Sinioro marëꞌ tëpapisoꞌ, “Yosparinquën,” itacaso niꞌton, ninapi. Inapotohuachina naporo huarëꞌ përarinsopita caponaꞌ. Napoaton apira paꞌpatamaꞌ quënancoanamaꞌ, itopi nanoꞌsari.