Marcos 6:31 - Chayahuita (Shahui)

³¹ Naꞌa piyapiꞌsaꞌ huëꞌsapi Quisoso nicaponaꞌ. Ina quëran paantapi. Aꞌnapita yaꞌhuërëꞌ huëantapi, ina quëran paantapi. Naporápi niꞌton, Quisoso caꞌtanoꞌsanënpitarë chachin co capacaiso tërantaꞌ nanitopihuëꞌ. —Huëcoꞌ iyaroꞌsaꞌ. Co piyapi yaꞌhuërinquëhuëꞌ paꞌahuaꞌ. Piꞌpian chinotahuaꞌ, itërin caꞌtanoꞌsanënpita.

Marcos 6:31 ပူးပေါင်းရင်းမြစ်များ

Mateo 14:13

Coansha tëpapisoꞌ natantahuaton, Quisoso piyapiꞌsaꞌ patërin. Potiquë yaꞌconahuaton, co piyapi yaꞌhuërinquëhuëꞌ paꞌnin. Piyapiꞌsaꞌ natantahuatonaꞌ, imapi. Ira paꞌtatonaꞌ, inahuaꞌton canconpi.

Marcos 1:45

Napotopirinhuëꞌ, papon pochin yaꞌipi piyapi shaꞌhuitëraꞌpiarin. “Quisoso anoyatërinco,” itëraꞌpiarin. Yaꞌipi naporinsoꞌ nahuinin. Napoaton piyapiꞌsaꞌ niꞌtërantapaquë co huachi Quisoso iratërinhuëꞌ. Co huachi nanitërinhuëꞌ aꞌninquëchin ninanoroꞌsaquë pacacasoꞌ. Co piyapiꞌsaꞌ yaꞌhuërinquëhuëꞌ yaꞌhuërárin. Ina niponahuëꞌ, yaꞌipi parti quëran huëꞌpi nicaponaꞌ.

Marcos 3:20

Ina quëran aꞌna pëiquë paꞌpi. Naquëranchin notohuaroꞌ piyapiꞌsari huëcapaiantapi niꞌton, co nanitopihuëꞌ capacaiso tërantaꞌ.

Marcos 3:7

Quisososoꞌ panca sonoꞌ yonsanquë paantarin. Caꞌtanoꞌsanënpitarëꞌ paꞌnin. Naꞌa piyapiꞌsari imasapi. Aꞌnaquën Cariria parti quëran huëꞌpi.

Juan 6:1

Ina quëran Cariria sonoꞌ aquëtëran pëntonai. Ina sonosoꞌ, Tipiriasë itopi antaꞌ.