Marcos 6:17 - Chayahuita (Shahui)

^17-19 Iꞌhua chachin Coansha nanpisoꞌ, Irotisë co noyahuëꞌ ninin. Iin saꞌin osërëtërin. Pinipi saꞌin chachin osërëtaton, manin, Irotiasa itopisoꞌ. Napoaton Coanshari chiníquën pënënin. “Co Yosë nohuantërinhuëꞌ iyaparin saꞌin osërëtaton macamasoꞌ,” itërin. Napotërinso marëꞌ Irotiasasoꞌ co quëyatonhuëꞌ, onpopionta yatëparin. Ina nohuanton huaꞌansoꞌ, sontaroꞌsa aꞌparin. Coansha macacaiso marëꞌ. Masahuatona tashinan pëiquë poꞌmopi. Inapotahuatona, catinaquëtopi.

Marcos 6:17 ပူးပေါင်းရင်းမြစ်များ

Mateo 11:2

Coansha Paotistaso nipirinhuëꞌ, naporoꞌ tashinan pëiquë yaꞌhuárin. Inaquë yaꞌipi Quisoso naporinsoꞌ natantërin. Ina natantaton, catoꞌ imarinsopita aꞌparin Quisoso natanacaiso marëꞌ.

Mateo 4:12

Ina piquëran Coansha tashinan pëiquë poꞌmopi. Pënëntërinso marëꞌ napotopi. Ina natanahuaton, Quisoso paꞌnin Cariria parti.

Marcos 6:16

Irotisëso nipirinhuëꞌ, co nisha nisha yonquirinhuëꞌ. —Inasoꞌ tëhuënchachin Coansha. Anishitëconotopirahuëꞌ, nanpiantarin, tënin.

Lucas 3:1

Naporo tahuëriꞌsaꞌ Tipirio itopisoꞌ, Noma copirno yaꞌconin. Nani shonca aꞌnatërápo piꞌipi huaꞌanëntarin. Ponsio Piratontaꞌ Cotia parti huaꞌanëntarin. Irotisësoꞌ, Cariria parti huaꞌanëntarin. Iin Pinipi itopisontaꞌ, Itoria parti, Traconiti parti, inapita parti huaꞌanëntarin. Nisaniasësoꞌ nipirinhuëꞌ, Apirinia parti huaꞌanëntarin.

Juan 3:24

Naporoꞌ Coanshasoꞌ noya paꞌsarin. Co tashinan pëiquë poꞌmoyátërapihuëꞌ.