Marcos 5:6 - Chayahuita (Shahui)

⁶ Quisoso aquë quëran quënanahuaton, taꞌaquirin. Quisoso nocotapataquë isonquirahuaton, mosharin.

Marcos 5:6 ပူးပေါင်းရင်းမြစ်များ

Salmos 66:3

“Nani maꞌsha acoransopitasoꞌ, paꞌyápiro ninan. Chini chiníquën nanantëran niꞌton, inimiconënpita tëꞌhuatatënën, anotatonaꞌ: ‘Tomonca,’ tëcaponaꞌ.

Salmos 72:9

Inimiconënpita inotëro parti yaꞌhuëpi. Inapitasoꞌ: “Co huachi nanitëraihuëꞌ chinitaꞌhuaisoꞌ. Huaꞌanëntatoncoi camaiincoi nipachin,” taꞌtona inarë anoyachinaꞌ.

Marcos 5:5

Nani tashiꞌ, nani tahuëri iratárin. Naꞌpi naninquë, motopiquë inaquëpita paꞌsápaton, chiníquën yaitárin. Naꞌpiquë nipëꞌsharárin.

Marcos 5:7

Napohuachina, Quisosori nosoroaton, aꞌnaroáchin sopai nontërin. —¡Iso quëmapi quëran pipico huachi! itërin. Ina natanahuaton, sopairi chiníquën aꞌpanirin. —¿Maꞌtaꞌ yaonpotarancoi? Quëmasoꞌ Quisosonquën, Yosë huiꞌninquën niꞌton, chini chiníquën nanantëran. Yosë marëꞌ ama apira aparisitocoisohuëꞌ, itërin.

Lucas 4:41

Sopairi yaꞌcoancantërinsopitantaꞌ quëntapi. Quisosori nontohuachina, sopairoꞌsaꞌ pipipi. Yapipihuachinaꞌ, chiníquën nontapi. —Quëmasoꞌ Yosë huiꞌninquën, itopi. Yosëri aꞌpaimarinsoꞌ nitotatonaꞌ, napotopi. Napoaton Quisosori itapon: “Taꞌtëquëꞌ. Ama insontaꞌ shaꞌhuitëquësohuëꞌ,” itohuachina, taꞌtopi huachi.

Hechos 16:17

Nanonsoꞌ quënanahuatoncoi, imaquiarincoi. Imaritoncoi, chiníquën nonsarin yaꞌipi piyapiꞌsaꞌ natanacaiso marëꞌ. —Isopita quëmapiꞌsasoꞌ Yosë piyapinënpita. Yosë chini chiníquën nanantërinsoꞌ nohuitatonaꞌ, natëpi. Aꞌchintarinënquëmaꞌ canpitantaꞌ nitotatomaꞌ chaꞌëcamaso marëꞌ, itë́riarin.

Santiago 2:19

“Aꞌnaíchin Yosë yaꞌhuërin,” ¿tënan ti? Noꞌtëquën nonan. “Yosë yaꞌhuarin mini,” topi sopairoꞌsantaꞌ. Ina nitotopi niꞌton, tëꞌhuatatonaꞌ, ropa ropatapi. Napoaponaraihuëꞌ, co Yosë imapihuëꞌ. Co napopiso marëꞌ Yosëꞌpaꞌ paꞌsapihuëꞌ.