Marcos 5:43 - Chayahuita (Shahui)

⁴³ Quisososo nipirinhuëꞌ, “Ama aꞌnapita shaꞌhuitocosohuëꞌ,” itahuaton, “Nanon aꞌcacoꞌ,” itërin.

Marcos 5:43 ပူးပေါင်းရင်းမြစ်များ

Mateo 17:9

Ina quëran motopi quëran nohuaramapona pochin, Quisosori itërin: —Achin niꞌnamasoꞌ, ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ, itërin.

Mateo 8:4

—Ama piyapiꞌsaꞌ shaꞌhuitëquësohuëꞌ. Corto huaꞌan yaꞌhuërinquë paaton, noyatëransoꞌ aꞌnotonquëꞌ niꞌinquën. Naporahuaton, maꞌsona Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Napotohuachina, paꞌnin huachi.

Mateo 9:30

Napotohuachina aꞌnaroáchin quënantopi. —Anoyatëranquëmasoꞌ iyaroꞌsaꞌ, ama insontaꞌ shaꞌhuitocosohuëꞌ, itopirinhuëꞌ,

Marcos 1:43

Naporo chachin Quisosori chiníquën pënënin. —¡Ama insontaꞌ shaꞌhuitëquësohuëꞌ! Corto huaꞌainchin sacatërinquë paaton, noyatëransoꞌ aꞌnotonquëꞌ niꞌinquën. Naporahuaton, Moisësë shaꞌhuirinsoꞌ quëpaquëꞌ noyatëransoꞌ nitotacaiso marëꞌ, itërin. Ina quëran aꞌparin huachi.

Marcos 3:12

Inariso nipirinhuëꞌ, chiníquën pënënin: “¡Ama piyapiꞌsaꞌ anohuitocosohuëꞌ!” itërin.

Marcos 5:42

Aꞌnaroáchin sanapiaꞌhua huënsërahuaton, huanirin. Nani shonca catoꞌ piꞌipitërin niꞌton, noya iratërin. Ina niꞌsahuatonaꞌ, yaꞌipi piyapiꞌsaꞌ paꞌpi paꞌyanpi. “¡Maꞌpítacha nitotaton, ananpitaantarin paya!” topi.

Marcos 7:36

Quisosori piyapiꞌsaꞌ pënënin: “Ama aꞌnapita shaꞌhuitocosohuëꞌ,” itërin. Itopirinhuëꞌ, piyapiꞌsasoꞌ paꞌsahuatonaꞌ, shaꞌhuiraꞌpiapi. Naꞌcon naꞌcon pënënpirinhuëꞌ, aquë aquëtë huarëꞌ shaꞌhuiraꞌpiapi.

Marcos 9:9

Motopi quëran nohuaramapona pochin, Quisosori itërin: “Achin niꞌnamasoꞌ ama insontaꞌ shaꞌhuitocosohuëꞌ. Yosë quëran quëmapico niꞌto, aꞌna tahuëri nanpiantarahuë. Naporo huarëꞌ aꞌnapita shaꞌhuitocoꞌ,” itërin.

Lucas 24:30

Yacoshatohuachinaꞌ, Quisosori pan manin. “Yosparinquën,” Yosë itahuaton, sëꞌpanin. Sëꞌpanahuaton, quëtërin.

Lucas 5:14

—Ama iyasha piyapiꞌsaꞌ shaꞌhuitëquësohuëꞌ. Corto huaꞌainchin sacatërinquë paaton, noyatëransoꞌ aꞌnotonquëꞌ niꞌinquën. Naporahuaton, ofrenda Moisësë camaitërinsoꞌ quëpaquëꞌ noyatëransoꞌ nitotacaiso marëꞌ, itërin.

Lucas 8:56

Aꞌshin, paꞌpin, inapita paꞌyanpi. “Maꞌpitacha nitotaton, ananpitaantaran paya,” itopirinahuëꞌ, “Ama aꞌnapita shaꞌhuitocosohuëꞌ,” itërin Quisosori.

Juan 5:41

Co canpita noya nicamacoso marëꞌ napotëranquëmahuëꞌ.

Hechos 10:41

Co yaꞌipi piyapiꞌsari niꞌpihuëꞌ. Yosë nohuanton, quiyarisoꞌ niꞌnai aꞌnapita shaꞌhuitaꞌhuaiso marëꞌ. Nani nanpiantahuachina, quiyarëꞌ coshatërin, oꞌorin. Quisocristo tëhuënchachin nanpiantarin, tënai.