Marcos 5:41 - Chayahuita (Shahui)

⁴¹ Maimirarahuaton, inaora nananquë: —Tarita comi, itërin. “Huënsëquëꞌ apiaꞌhua,” tapon napotërin.

Marcos 5:41 ပူးပေါင်းရင်းမြစ်များ

Génesis 1:3

Naporoꞌ Yosë tapon: “¡Tashinantërinso niiꞌsohuanchin huachi!” tënin. Topachina, niiꞌsohuantërin huachi.

Salmos 33:9

Ina nonin quëran nani maꞌsha yaꞌhuërin niꞌton, natëcoꞌ. Ina camaitërin quëran noyá acopinan quëparitërin. Napoaton noya nicatoma natëcoꞌ.

Marcos 1:31

Inaquë paaparahuaton, maimirarahuaton, opatërin. Naporo chachin sapo otanotërin. Otanotahuaton, inari chachin aꞌcarin, oꞌshitërin, napotërin.

Marcos 1:41

Quisosori nosoroaton, sëꞌhuarin. —Nohuantërahuë mini iyasha. ¡Noyatëquë huachi! itërin.

Marcos 5:40

Naporinsoꞌ natanahuatonaꞌ, piyapiꞌsari tëhuapirinahuëꞌ. Quisosorisoꞌ inapita ocoirahuaton, paꞌpin, aꞌshin, cara caꞌtanoꞌsanën, inapitaráchin quëparin. Sanapiaꞌhua yaꞌhuërinquë yaꞌconcontarin.

Marcos 5:42

Aꞌnaroáchin sanapiaꞌhua huënsërahuaton, huanirin. Nani shonca catoꞌ piꞌipitërin niꞌton, noya iratërin. Ina niꞌsahuatonaꞌ, yaꞌipi piyapiꞌsaꞌ paꞌpi paꞌyanpi. “¡Maꞌpítacha nitotaton, ananpitaantarin paya!” topi.

Romanos 4:17

Iráca Yosëri Apraan itërin: “Ca nohuanto, notohuaroꞌ shiparinpita yaꞌhuëtarinquën. Naꞌa nisha nisha piyapiꞌsantaꞌ quëma pochachin cancantapi,” tënin Yosë. Quiricanënquë naporin. “Yosë noꞌtëquën nontërinco. Yaꞌipiya nanitaparin. Chiminpisopitantaꞌ nanitërin ananpitacasoꞌ. Co maꞌsha yaꞌhuëpirinhuëꞌ, nani yaꞌhuërinso pochin shaꞌhuichanin,” taꞌton, Apraan natëtërin.

Filipenses 3:21

Iporasoꞌ nonënpoaꞌ co chinirinhuëꞌ. Yacaniorëhuaꞌ. Chiminacasoꞌ yaꞌhuërin. Nipirinhuëꞌ, Quisocristo oꞌmantahuachin, nonënpoaꞌ anishatarin. Ina pochachin yaꞌnoarihuaꞌ. Nanitaparin niꞌton, yaꞌipi minsërahuaton, ananpitomiatarinpoaꞌ, noya noya acoarinpoaꞌ.