Marcos 5:40 - Chayahuita (Shahui)

⁴⁰ Naporinsoꞌ natanahuatonaꞌ, piyapiꞌsari tëhuapirinahuëꞌ. Quisosorisoꞌ inapita ocoirahuaton, paꞌpin, aꞌshin, cara caꞌtanoꞌsanën, inapitaráchin quëparin. Sanapiaꞌhua yaꞌhuërinquë yaꞌconcontarin.

Marcos 5:40 ပူးပေါင်းရင်းမြစ်များ

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

2 Reyes 4:33

Inaoraíchin nioncorapiton, Yosë nontarin.

Nehemías 2:19

Sanparato, Topiasë, inapitaso napoaponahuë nocanatonacoi, tëhuarinacoi: —¿Maꞌcha canpitanta inaquë yaniantarama nicaya? ¡Copirno ipora noꞌhuitomaꞌ, co huachi yanatëantaramahuëꞌ! itërinacoi. Aꞌna huaꞌaontaꞌ, tëhuarincoi. Inaso Arapia piyapi. Quisimo itopi.

Salmos 22:7

Naꞌhuëpona pochin nocanatonaco tëhuarinaco. Tanshitatonaco, aquinotërinaco.

Mateo 15:11

Coshatërëso marëꞌ co oshahuanëhuëꞌ. Cancanënpoa quëran yonquirëso marëꞌ oshahuanëhuasoꞌ. Tëhuënchachin co noyahuëꞌ nonpatëra, oshahuanëꞌ, itërin.

Mateo 7:6

Ina quëran itaantarin: “Isontaꞌ aꞌchinchinquëmaꞌ. Niꞌniroꞌsaꞌ, coshiroꞌsaꞌ, inapita co yonquipihuëꞌ. Huirinaꞌpi paꞌton nininsoꞌ co quëtacasoꞌ yaꞌhuërinhuëꞌ. Noꞌpaquë acoramaꞌ naporini, iꞌnachitonahuëꞌ. Ina quëran canpitantaꞌ yaquëtëitënquëmahuëꞌ. Aꞌnaquën piyapiꞌsantaꞌ niꞌniroꞌsa pochin cancantopi niꞌton, Yosë nanamën aꞌchintohuatamaꞌ, chiníquën noꞌhuiarinënquëmaꞌ. Co piꞌpisha tërantaꞌ nohuantohuachinahuëꞌ, tananpitocoꞌ,” itërin.

Marcos 5:39

Yaꞌcontarahuaton, inapita itapon: —¿Onpoatomataꞌ naꞌnëtomaꞌ, noncaroaramasoꞌ? Co sanapiaꞌhua chimininhuëꞌ. Huëꞌësárin, itërin Quisosori.

Marcos 5:41

Maimirarahuaton, inaora nananquë: —Tarita comi, itërin. “Huënsëquëꞌ apiaꞌhua,” tapon napotërin.

Lucas 16:14

Parisioroꞌsaꞌ coriquiráchin cancantopi. Napoaton Quisoso aꞌchininsoꞌ natanahuatonaꞌ, tëhuapi.

Hechos 17:32

“Ananpitaantarin,” tëninso marëꞌ, “Tëhuënchachin taꞌmaꞌ ananpitëca,” taꞌtonaꞌ, tëhuapi aꞌnaquën. Aꞌnaquënso nipirinhuëꞌ co tëhuapihuëꞌ. —Aꞌna tahuëri aꞌchintaantacoi, itopi.