Marcos 5:22 - Chayahuita (Shahui)

²² Naporoꞌ aꞌna cotio huaꞌan Cairo itopiso huëꞌnin. Inasoꞌ, niyontonpiso pëiꞌ huaꞌan yaꞌconin. Quisoso quënanquirahuaton, nantën pirayan isonquirin:

Marcos 5:22 ပူးပေါင်းရင်းမြစ်များ

Marcos 5:33

Napohuachina, sanapisoꞌ “Nani anoyatërinco,” taꞌton, ropa ropátërarin quëran Quisoso huëcapairin. Isonquirahuaton, noꞌtëquën shaꞌhuitërin. “Huaꞌquiꞌ caniorahuë niꞌton, sëꞌhuaranquën Sinioro. Sëꞌhuatënquën, aꞌnaroáchin noyatërahuë huachi,” tënin.

Marcos 5:38

Cairo pëinënquë canconahuatonaꞌ, naꞌa piyapi natanconpi. Chiníquën naꞌnëtonaꞌ, ayanápi.

Lucas 13:14

Niyontonpiso pëiꞌ huaꞌanso nipirinhuëꞌ, noꞌhuitërin. Chinoto tahuëri anoyatërin niꞌton, naporin. Napoaton piyapiꞌsaꞌ itapon: —Saota tahuëri sacatacasoꞌ yaꞌhuërin. Naporoꞌ huëcoꞌ anoyatinquëmaso marëꞌ. Chinoto tahuërisoꞌ co noyahuëꞌ anoyatacasoꞌ, itërin.

Lucas 5:8

Ina nápoꞌ sami maꞌton, Simon Pitro paꞌyanin. Quisoso nantën pirayan isonahuaton, itërin: —¡Maꞌpítacha Sinioro nanitaparan paya! Casoꞌ oshahuanco niꞌto, co yaꞌcariancosoꞌ yaꞌhuërinhuëꞌ, itërin.

Lucas 8:28

Naꞌpochuachina catinaquë tanpaquën tonporahuatonaꞌ, paꞌontaꞌ tonpotopirinahuëꞌ, oshitërachinin. Sopai nohuanton, co piyapi yaꞌhuërinquëhuëꞌ taꞌantarin. Quisoso quënanahuaton, nantëntaquë isonquirahuaton, monshorarin. Napohuachina, Quisosori nosoroaton, aꞌnaroáchin sopai itërin: —Iso quëmapi quëran pipico huachi, itërin. Ina natanahuaton, chiníquën nonin. —¿Maꞌtaꞌ yaonpotarancoi? Quëmasoꞌ Quisosonquën. Yosë huiꞌninquën. Yosë marëꞌ ama aparisitocoisohuëꞌ, itërin.

Hechos 13:15

Cotio ansianoꞌsaꞌ quirica nontapi. Moisësë iráca pënëntërinsoꞌ, pënëntonaꞌpiroꞌsaꞌ ninshitopisoꞌ, inapita nani nontohuachinara, itaponaꞌ: —Achinicancanamacoiso marëꞌ yapënënpatamacoi iyaroꞌsaꞌ, shaꞌhuitocoi nataꞌin, itërin.

Hechos 18:17

Naꞌa piyapiꞌsari niꞌsapi. Niꞌsahuatonaꞌ, cotio niyontonpiso pëiꞌ huaꞌan mapi, Sostinisë itopisoꞌ. Masahuatonaꞌ, inaquë chachin ahuëpi. Carionori nicaponahuëꞌ, co mantaꞌ tëninhuëꞌ. Co ina yonquirinhuëꞌ.

Hechos 18:8

Cotio niyontonpiso pëiꞌ huaꞌaontaꞌ natanahuaton, natërin, Crispo itopisoꞌ. Ina pëinënquë yaꞌhuëpisopitantaꞌ Quisoso imasapi. Naꞌa yaꞌhuëhuanoꞌsaꞌ Quisoso nanamën natanahuatonaꞌ, natëpi. Natëhuachinara, aporihuanpi.

Apocalipsis 22:8

Casoꞌ Coanshaco nani maꞌsha niꞌnahuë, natanahuë. Anquëni shaꞌhuitohuachincora, isonahuë chinotaꞌhuaso marëꞌ.