Marcos 5:2 - Chayahuita (Shahui)

² Quisoso nani nonshihuachina, aꞌna quëmapiri naꞌpi nanin quëran pipirahuaton, nacapirin. Sopairi yaꞌcoancantërin niꞌton, co huachi noya yonquirinhuëꞌ. Huaꞌyantërin.

Marcos 5:2 ပူးပေါင်းရင်းမြစ်များ

Isaías 65:4

Inapitasoꞌ poꞌororoꞌsaquë huënsëconpi. Co paꞌshantopiquëhuëꞌ tahuërianpitápi. Inapitasoꞌ, coshi nosha caꞌconpi. Nisha nisha maꞌsha amirotochináchin niꞌnahuësoꞌ, poꞌmotona caꞌpi.

Marcos 1:23

Naporoꞌ aꞌnaraꞌ quëmapi inaquë yaꞌhuërin. Sopairi yaꞌcoancantaton, camairin niꞌton, paꞌpi co noyahuëꞌ yonquirin. Quisoso quënanahuaton, chiníquën nontërin. Sopairi chachin anonin.

Marcos 1:26

Napotohuachina, quëmapi chiníquën apaꞌtanin. Naporahuaton chiníquën “yai” taꞌso chachin, sopai pipirin.

Marcos 3:30

“Sopairi yaꞌcoancantërin,” topiso marëꞌ Quisoso napopënëntërin.

Marcos 3:9

Naꞌa piyapiꞌsaꞌ nani anoyatërin niꞌton, yaꞌipi caniaꞌpiroꞌsaꞌ huëꞌsapi. Naꞌa piyapiꞌsaꞌ niꞌton, yaꞌsëratërarahuatonaꞌ, huëꞌsapi Quisoso sëꞌhuacaiso marëꞌ. “Sëꞌhuahuato, anoyatarinco,” taꞌtonaꞌ, naporapi. Napoaton caꞌtanoꞌsanënpita itapon: “Poti amasha quëpacoꞌ inaquë huënsëato aꞌchinchi. Notohuaroꞌ piyapi niꞌton, yaꞌquëëtohuachinaco,” itërin.

Marcos 4:1

Naquëranchin sonoꞌ yonsanquë Quisoso aꞌchiantararin. Inaquë notohuaroꞌ piyapiꞌsaꞌ niyontonpi natanacaiso marëꞌ. Huaꞌhuayatërahuëꞌ tancapitohuachinara, potiquë yaꞌconahuaton, huënsëmarin. Inaquë yanponapirarin. Yaꞌhuërëꞌ piyapiꞌsasoꞌ iiꞌ yonsanquë yamorapi.

Marcos 4:36

Nani piyapiꞌsa nontahuaton, Quisoso potiquë yaꞌcomarin. Napohuachina, caꞌtanoꞌsanënpitarë chachin paꞌpi. Naporoꞌ aꞌnapitantaꞌ nisha potiroꞌsaquë paꞌpi.

Marcos 5:21

Quisososoꞌ pëntonquiantarahuaton, naꞌa piyapiꞌsaꞌ quënanquirin. Sonoꞌ yonsanquë huëcapairahuatonaꞌ, tancapitopi.

Marcos 5:3

Naꞌpi naninquë chimipiroꞌsaꞌ poꞌmopiquë yaꞌhuërin. Paꞌpi chiníquën niꞌton, co catinaquë tërantaꞌ nanitopihuëꞌ tonpocaisoꞌ.

Marcos 7:25

Inaquë aꞌna sanapi yaꞌhuërin. Co cotio sanapihuëꞌ. Nisha piyapi. Siropinisia parti huaꞌhuatërin. Huaꞌhuinsoꞌ parisitárin. Sopairi yaꞌcoancantërin niꞌton, co inaora yonquirinsoꞌ yonquirinhuëꞌ. Quisoso huëꞌninsoꞌ natantahuaton, paaparin. Paaparahuaton, Quisoso nantën pirayan isonconin. —Huaꞌhuahuë Sinioro parisitárin. Sopairi yaꞌcoancantaton, chiníquën aparisitarin. Inquitoco, topirahuëꞌ, itiirin.

Lucas 8:27

Quisoso nonshiconpachina, aꞌna quëmapiri nacapirin, naꞌa sopairoꞌsari yaꞌcoancantërinsoꞌ. Yaꞌcoancantopi niꞌton, co huachi yonquirinhuëꞌ. Huaꞌquiꞌ co mantaꞌ aꞌmorinhuëꞌ. Co huachi pëiquë yaꞌhuërinhuëꞌ. Naꞌpi naninquë chimipiroꞌsaꞌ poꞌmopiquë yaꞌhuárin.

Lucas 9:42

Inaquë quëntapirinhuëꞌ, noꞌpaquë sopairi ataatantarin. Apacoroantarin. Quisosori niꞌsahuaton, sopai itërin: “Huaꞌhuasha tananpitëquëꞌ. Pipimiatëquë huachi,” itërin. Aꞌnaroáchin sopai pipirin. Huaꞌhuasha noyatërin huachi. “Pëinënquë iyasha quëpantaquëꞌ,” itërin.