Marcos 5:15 - Chayahuita (Shahui)

¹⁵ Quisosoquë canquirahuatonaꞌ, quëmapi huaꞌquiꞌ huaꞌyantërinsoꞌ quënanquipi. Nani aꞌmoanaton, noya huënsërarin. Naꞌa sopairoꞌsari yaꞌcoancantopirinahuëꞌ, noya yonquiantarin. Co huachi huaꞌyantërinhuëꞌ. Napoaton paꞌyanpi.

Marcos 5:15 ပူးပေါင်းရင်းမြစ်များ

Salmos 14:5

Inahuasoꞌ, paꞌyanatona ropataponaꞌ. Canpoaso nipirinhuëꞌ, ina imarëhua niꞌton, catahuararinpoaꞌ.

Mateo 12:29

Quëmapi chiníquën nipachina, pëinën noya aꞌpairin. Co insonta yaꞌconaton maꞌshanën mataponhuëꞌ. Aꞌnaso nipirinhuëꞌ ina quëran chini chiníquën niꞌton, huëcapairahuaton minsëquirin. Tonporahuaton, maꞌshanënpita quiquitërin.

Mateo 26:53

Tatahuë nontërahuë naporini, shonca cato huaranca anquëniroꞌsaꞌ aꞌpatimaitoncohuëꞌ. Aꞌnaroáchin catahuaitonacohuëꞌ. ¿Co ina nitotëranhuëꞌ ti?

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Mateo 9:33

Quisosori nosoroaton, sopai aꞌpatërin. Aꞌpatohuachina, aꞌnaroáchin noyatërin. Noya nonsarin huachi. Piyapiꞌsari niꞌpachinara, paꞌyanpi. —Co onporontaꞌ iso pochin niꞌchinëhuahuëꞌ. Iráca quëran huarëꞌ co insontaꞌ isëquë naporinhuëꞌ, topi.

Marcos 5:14

Coshi aꞌpainaꞌpiroꞌsasoꞌ niꞌsahuatonaꞌ, taꞌarëꞌnachin ninanoquë yaꞌhuëpisopita shaꞌhuitonpi. Ninano pirayan yaꞌhuëpisopitantaꞌ aꞌnaya aꞌnaya shaꞌhuitëraꞌpiapi. Natantahuatonaꞌ, “¿Maꞌtaꞌ onpocaisoꞌ?” taꞌtonaꞌ, paꞌpi nicaponaꞌ.

Marcos 5:16

“Quisosori anoyatërin. Sopairoꞌsaꞌ aꞌpahuachina, coshiroꞌsaquë yaꞌconconpi. Inapohuachinara, tahuan paꞌtahuatonaꞌ, sonoquë taquiitopi huachi,” itopi niꞌpisopitari.

Marcos 5:18

Quisoso potiquë yaꞌconasoꞌ, huaꞌyantërinsoari huëcapairahuaton, itapon: “Cantaꞌ imainquën,” itërin.

Marcos 5:4

Naꞌaroꞌ catinaquë tanpaquën tonpotahuatonaꞌ, paꞌon tonpotopirinahuëꞌ, oshitërachinin. Co incariso tërantaꞌ nanitërinhuëꞌ minsëcasoꞌ.

Marcos 5:9

—¿Maꞌninquëntaꞌ quëmasoꞌ? itërin Quisosori. —Naꞌacoi niꞌtoi, “naꞌa huaranca,” itërinacoi.

Lucas 10:39

Martasoꞌ cain yaꞌhuëtërin, Maria itopisoꞌ. Quisoso huëꞌpachina, yaꞌcariya huënsëquirin. Aꞌchininsoꞌ noya natanarin.

Lucas 8:27

Quisoso nonshiconpachina, aꞌna quëmapiri nacapirin, naꞌa sopairoꞌsari yaꞌcoancantërinsoꞌ. Yaꞌcoancantopi niꞌton, co huachi yonquirinhuëꞌ. Huaꞌquiꞌ co mantaꞌ aꞌmorinhuëꞌ. Co huachi pëiquë yaꞌhuërinhuëꞌ. Naꞌpi naninquë chimipiroꞌsaꞌ poꞌmopiquë yaꞌhuárin.

Colosenses 1:13

Iráca sopai camairinpoaꞌ. Ina natëtëhuaꞌ, tashi pochin cancantopirëhuahuëꞌ, nani Yosë nichaꞌërinpoaꞌ. Co huachi sopai natëcasoꞌ yaꞌhuërinhuëꞌ. Yosë nohuanton, huiꞌnin huaꞌanëntërinpoaꞌ. Huiꞌnin naꞌcon nosoropirinhuëꞌ, isoroꞌpaquë aꞌpaimarin.

2 Timoteo 1:7

Yosë co nohuantërinhuëꞌ tëꞌhuacasoꞌ. Ispirito Santo chachin achinicancaninpoaꞌ sopai minsëcaso marëꞌ. Inasáchin ananitërinpoaꞌ piyapiꞌsaꞌ nosorocasoꞌ. Catahuarinpoaꞌ cancanënpoa quëran noꞌtëquën yonquicasoꞌ.

1 Samuel 16:4

Napotohuachina Samoirosoꞌ Siniorori camairinso chachin ninin. Pirinquë canconpachina, ninano ansianoꞌsari, tëꞌhuainpichin natanpi: —¿Maꞌsha onpotancoiso marëꞌ huëꞌsamaranquën ti? itopi. Napotohuachinara, Samoiroso tapon: —Co naporinhuëꞌ. Maꞌsha tëpato Sinioro chinotaꞌhuaso marëꞌ huëꞌnahuë. Iporasoꞌ, Sinioro camaitërinso nicatoma nitapacoꞌ. Inapoatomaꞌ, caꞌtanco Sinioro chinochi. Naporahuatëhua coshatahuaꞌ, itërin. Ina quëran Samoirosoꞌ, Quisi huiꞌninpitarë chachin taparin. Sinioro camaitërinso nicaton, taparin. Inapotaton shaꞌhuitërin Yosë chinotacaso marëꞌ ohuacaꞌhua tëparinquë pacacaisoꞌ.