Marcos 5:13 - Chayahuita (Shahui)

¹³ —Inta nipachin, inaquë paatomaꞌ yaꞌconconcoꞌ, itërin. Itohuachina, sopairoꞌsaꞌ pipirahuatonaꞌ, coshiroꞌsaquë yaꞌconconpi. Ina quëran yaꞌipi coshiroꞌsaꞌ, cato huaranca pochin nipirinahuëꞌ, huaꞌyantatonaꞌ taꞌapi. Tahuan paꞌtatonaꞌ, sonoquë niitopi. Inapoatonaꞌ, taquiitopi.

Marcos 5:13 ပူးပေါင်းရင်းမြစ်များ

1 Reyes 22:22

“Yaꞌipi pënëntonaꞌpiroꞌsa Acapo camairinso nonpintarahuë. Inapitari shaꞌhuitohuachina, ahuëtapon paꞌsarin,” itërin sopairi. Ina natanaton, Siniorori itapon: “Naporinchi paya. Nonpintaran niꞌsora. Paꞌmaton inapotëquëꞌ,” itërin.

Copo naporinso' 1:12

Naporoꞌ Siniorori itapon: —Inta nipachin. Nani maꞌsha yaꞌhuëtërinsoꞌ, maꞌsha onpotëriquëꞌ. Inaora chachinso napoaponahuëꞌ, ama manta maꞌsha onpotëquësohuëꞌ, itërin. Napotohuachina, inaso Sinioro yaꞌhuërin quëran pipirin.

Copo naporinso' 2:6

Naporoꞌ Siniorori itapon: —Inta nipachin. Maꞌsha onpotëriquëꞌ. Napoaponahuëꞌ, ama tëpaquësohuëꞌ, itaantarin.

Mateo 7:6

Ina quëran itaantarin: “Isontaꞌ aꞌchinchinquëmaꞌ. Niꞌniroꞌsaꞌ, coshiroꞌsaꞌ, inapita co yonquipihuëꞌ. Huirinaꞌpi paꞌton nininsoꞌ co quëtacasoꞌ yaꞌhuërinhuëꞌ. Noꞌpaquë acoramaꞌ naporini, iꞌnachitonahuëꞌ. Ina quëran canpitantaꞌ yaquëtëitënquëmahuëꞌ. Aꞌnaquën piyapiꞌsantaꞌ niꞌniroꞌsa pochin cancantopi niꞌton, Yosë nanamën aꞌchintohuatamaꞌ, chiníquën noꞌhuiarinënquëmaꞌ. Co piꞌpisha tërantaꞌ nohuantohuachinahuëꞌ, tananpitocoꞌ,” itërin.

Mateo 8:32

—Inta nipachin, inaquë paatomaꞌ yaꞌconcoꞌ, itohuachina, quëmapiꞌsa quëran pipirahuatonaꞌ, coshiroꞌsaquë yaꞌconconpi. Inaquë yaꞌconpachinara, coshiroꞌsantaꞌ huaꞌyantatonaꞌ, aꞌnaroáchin tahuan paꞌtopi. Panca sonoquë niitahuatonaꞌ, inaquë chimiitopi.

Marcos 5:12

—Aꞌpacoi coshiroꞌsaquë tërantaꞌ yaꞌcoantaꞌii, tosapi.

Marcos 5:14

Coshi aꞌpainaꞌpiroꞌsasoꞌ niꞌsahuatonaꞌ, taꞌarëꞌnachin ninanoquë yaꞌhuëpisopita shaꞌhuitonpi. Ninano pirayan yaꞌhuëpisopitantaꞌ aꞌnaya aꞌnaya shaꞌhuitëraꞌpiapi. Natantahuatonaꞌ, “¿Maꞌtaꞌ onpocaisoꞌ?” taꞌtonaꞌ, paꞌpi nicaponaꞌ.

Juan 8:44

Sopai huaꞌan mini tataparinquëmasoꞌ. Ina pochin cancantatomaꞌ, inasáchin natëaramaꞌ. Iráca quëran huarëꞌ piyapiꞌsaꞌ tëpanaꞌpi inasoꞌ. Co noꞌtëquën nitononinhuëꞌ niꞌton, co piꞌpisha tërantaꞌ natëcasoꞌ yaꞌhuërinhuëꞌ. Paꞌpi nonpintëꞌ inasoꞌ. Inachin, nonpinacasoráchin cancantërin. Ina nohuanton, nonpinëꞌ.

1 Pedro 3:22

Nanpiantarahuaton, Yosëꞌpaꞌ pantarin. Yosë inchinan quëran huënsëaton, chini chiníquën nanantarin. Yaꞌipi anquëniroꞌsaꞌ, huaꞌanoꞌsaꞌ, chiníquën nanantërinsopita inapitari natëpi huachi.

Apocalipsis 20:7

Nani huaranca piꞌipi nanihuachin, sopai ocoiantarin.

Apocalipsis 9:11

Huaꞌanën yaꞌhuëtërin antaꞌ. Inari camairinsoꞌ, sopairoꞌsaꞌ oncorapirinsoꞌ parti quëran huëꞌnin. Cotio nananquë Apatono itopisoꞌ. Crico nananquë Aporiono itopi. Tiquitonaꞌpi tapon naporin.