Marcos 5:12 - Chayahuita (Shahui)

¹² —Aꞌpacoi coshiroꞌsaquë tërantaꞌ yaꞌcoantaꞌii, tosapi.

Marcos 5:12 ပူးပေါင်းရင်းမြစ်များ

Copo naporinso' 2:5

Inta inaora chachin maꞌsha onpotëriquëꞌ. Inapotohuatansoꞌ, tëhuënchachin noꞌhuitënquën aꞌpoarinquën, itërin.

Mateo 4:24

Yaꞌipi Siria partintaꞌ, nahuinin niꞌton, notohuaroꞌ caniaꞌpiroꞌsaꞌ quëpi Quisosori anoyatacaso marëꞌ. Nisha nisha canio inquitëraꞌpiarin. Aꞌnaquëontaꞌ sopairi yaꞌcoancantërin niꞌton, co huachi inaora yonquirinsoꞌ yonquirinhuëꞌ. Toconaꞌpiroꞌsaꞌ, apiaroꞌsa inapitantaꞌ quëpapi Quisosori anoyatacaso marëꞌ. Quëpachinara, yaꞌipi anoyatëraꞌpiarin.

Mateo 7:6

Ina quëran itaantarin: “Isontaꞌ aꞌchinchinquëmaꞌ. Niꞌniroꞌsaꞌ, coshiroꞌsaꞌ, inapita co yonquipihuëꞌ. Huirinaꞌpi paꞌton nininsoꞌ co quëtacasoꞌ yaꞌhuërinhuëꞌ. Noꞌpaquë acoramaꞌ naporini, iꞌnachitonahuëꞌ. Ina quëran canpitantaꞌ yaquëtëitënquëmahuëꞌ. Aꞌnaquën piyapiꞌsantaꞌ niꞌniroꞌsa pochin cancantopi niꞌton, Yosë nanamën aꞌchintohuatamaꞌ, chiníquën noꞌhuiarinënquëmaꞌ. Co piꞌpisha tërantaꞌ nohuantohuachinahuëꞌ, tananpitocoꞌ,” itërin.

Marcos 5:11

Ina yaꞌcariya notohuaroꞌ coshiroꞌsaꞌ panënquë coshatapi.

Marcos 5:13

—Inta nipachin, inaquë paatomaꞌ yaꞌconconcoꞌ, itërin. Itohuachina, sopairoꞌsaꞌ pipirahuatonaꞌ, coshiroꞌsaquë yaꞌconconpi. Ina quëran yaꞌipi coshiroꞌsaꞌ, cato huaranca pochin nipirinahuëꞌ, huaꞌyantatonaꞌ taꞌapi. Tahuan paꞌtatonaꞌ, sonoquë niitopi. Inapoatonaꞌ, taquiitopi.

2 Corintios 2:11

Co nanan anoyatohuatëhuahuëꞌ, Satanasë minsëarinpoaꞌ. Inasoꞌ nisha nisha yanonpintërinpoasoꞌ nitotërëhuaꞌ.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.