Marcos 4:8 - Chayahuita (Shahui)

⁸ Aꞌnaquënso nipirinhuëꞌ noyaroꞌpaquë paꞌsarayarin. Inaquë noya papotërin. Aꞌshinpachina, shaꞌnin quëran naꞌcon naꞌcon nitërin. Aꞌnaquën yaꞌpirin cara shonca, cara shonca nitërin. Aꞌnaquëontaꞌ saota shonca, saota shonca nitërin. Aꞌnaquënsoꞌ pasa, pasa nitochanin,” itërin.

Marcos 4:8 ပူးပေါင်းရင်းမြစ်များ

Génesis 26:12

Ina piꞌiquë Isaco inaquë iminapatërin. Shaꞌtohuachina, Yosëri catahuarin niꞌton, paꞌpi notohuaroꞌ nitërinsoꞌ manin.

Isaías 58:1

Sinioro shaꞌhuitërinco: “Ama manta tëꞌhuatonhuëꞌ chiníquën nonquëꞌ. Tronpita pihuihuachina irininso pochin niquëꞌ. Piyapinëhuëpita co noyahuëꞌ nipiso marëꞌ pënënquëꞌ. Cacopo quëran pipipisopita oshahuanpiso marëꞌ inapotëquëꞌ.

Mateo 13:23

Aꞌnaquën piyapiꞌsaso nipirinhuëꞌ, noyaroꞌpa pochin nipi. Yosë nanamën natanahuatonaꞌ, cancanëna quëran huarëꞌ natëpi. Cara shonca, cara shonca nitërinso pochin aꞌnaquën noyamiáchin imapi. Aꞌnaquëontaꞌ saota shonca, saota shonca nitërinso pochin noya imapi. Aꞌnaquëontaꞌ pasa, pasa nitërinso pochin yaꞌipi cancanëna quëran imatonaꞌ, noya noya imapi huachi,” itërin.

Mateo 13:8

Aꞌnaquënso nipirinhuëꞌ noyaroꞌpaquë paꞌsarayarin. Inaquë noya papotërin. Aꞌshinpachina, shaꞌnin quëran naꞌcon naꞌcon nitërin. Aꞌnaquën cara shonca, cara shonca nitërin. Aꞌnaquën saota shonca, saota shonca nitërin. Aꞌnaquën pasa, pasa nitërin.

Marcos 4:20

Aꞌnaquënso nipirinhuëꞌ noyaroꞌpaquë paꞌsarayarinso pochin nipi. Yosë nanamën noya natanpi. Natanahuatonaꞌ, cancanëna quëran natëpi. Sharoꞌsaꞌ nisha nisha nitërinso pochin natëtopi. Aꞌnaquën yaꞌpirin cara shonca, cara shonca nitërinso pochin noyamiachin imapi. Aꞌnaquëontaꞌ saota shonca, saota shonca nitërinso pochin noya imapi. Aꞌnaquënsoꞌ pasa, pasa nitërinso pochin yaꞌipi cancanëna quëran imatonaꞌ, noya noya imapi huachi,” itërin.

Marcos 4:7

Aꞌnaquën yaꞌpiriontaꞌ nahuanoquë paꞌsarayarin. Inaquë papotopirinhuëꞌ, nahuanoꞌsantaꞌ papotërin. Shia aꞌshinahuatonaꞌ, imotërin. Napoaton co nitërinhuëꞌ.

Marcos 4:9

Itahuaton: “Huëratëhuanpatamaꞌ, noya natanatomaco, yonquicoꞌ,” itaantarin.

Lucas 8:15

Aꞌnaquën piyapiꞌsaso nipirinhuëꞌ noyaroꞌpa pochin nipi. Yosë nanamën noya natanpi. Natanahuatonaꞌ, noya cancantatonaꞌ, natëtopi. Noꞌtëquën yonquiatonaꞌ, natëmiatopi. Maꞌsha onpoaponaraihuëꞌ, co aꞌpopihuëꞌ. Yaꞌipi cancanëna quëran imatonaꞌ noya noya nisapi,” tënin.

Lucas 8:8

Aꞌnaquënso nipirinhuëꞌ noyaroꞌpaquë anotërin. Inaquë noya papotërin. Aꞌshinpachina, shaꞌnin quëran naꞌcon naꞌcon nitaton, pasa, pasa nitërin, itërin. Ina quëran taantarin: —Huëratëhuanpatamaꞌ, noya natanatomaco, yonquicoꞌ, itërin Quisosori.

Juan 15:5

Ca opa yaꞌhuë pochinco. Canpitasoꞌ sëꞌpaquën pochinquëmaꞌ. Yaꞌcoancantaranquëmaꞌ. Nani tahuëri yonquihuatamaco, catahuaaranquëmaꞌ. Opa noya nitërinso pochin noya nisaramaꞌ. Canpitaora co nanitaramahuëꞌ Yosë pochin cancantacamasoꞌ.

Juan 7:17

Cancanëma quëran huarëꞌ Yosë yanatëhuatamaꞌ, noꞌtëquën anitotarinquëmaꞌ: “Co inaora yonquinën quëran aꞌchininhuëꞌ. Yosë nanamën chachin aꞌchinarin,” tosaramaꞌ.

Hechos 17:11

Inaquë yaꞌhuëpisopitaso nipirinhuëꞌ nóya yonquipi. Co Tisaronicaquë yaꞌhuëpisopita pochinhuëꞌ. Paonori aꞌchintohuachina, nóya natanpi. “Paonosoꞌ noꞌtëquën aꞌchinamara,” taꞌtonaꞌ, nani tahuëri Yosë quiricanën noyásha nontapi noꞌtëquën nitotacaiso marëꞌ.

Efesios 2:21

Quisocristo imapatëhuaꞌ, Yosë acoarinpoaꞌ ina pëinën pochin nicacaso marëꞌ. Catahuahuachinpoaꞌ, noya niniꞌtëhuaꞌ yaꞌhuërëhuaꞌ. Aꞌnapitantaꞌ aꞌnaya aꞌnaya Quisocristo imapachinaꞌ, yaꞌconapi antaꞌ. Nóya pëiꞌ Yosë chinotacaso marëꞌ acorëso pochin nisarëhuaꞌ.

Filipenses 1:11

Quisocristo catahuahuachinquëmaꞌ, noyasáchin nisaramaꞌ. Ina quëran aꞌnapitantaꞌ nicatënquëmaꞌ, Yosë yonquiapi. “Ma noya Yosëri catahuarin niꞌton, noya nipi. Ma noyacha Yosëso paya,” tosapi.

Colosenses 1:6

Noya nanan chachin yaꞌipi parti aꞌchinapi. Aꞌna parti aꞌna parti piyapiꞌsaꞌ natëtatonaꞌ, noya imasapi. Canpitantaꞌ noya imasaramaꞌ. Yaꞌnan natantapomaꞌ, natëramaꞌ. “Yosë nosoroatonpoaꞌ, inaora nohuanton, nichaꞌësarinpoaꞌ,” itërinënquëmaꞌ. Napotohuachinënquëmara, “Noꞌtëquën shaꞌhuitërinpoaꞌ,” taꞌtomaꞌ, natëramaꞌ.