Marcos 4:41 - Chayahuita (Shahui)

⁴¹ Paꞌpi paꞌyanahuatonaꞌ, ninontopi: —¿Ma quëmapicha isosoꞌ niꞌton, ihuan aꞌparin nicaya? Sonontaꞌ aꞌnaroáchin asanoirin, nitopi.

Marcos 4:41 ပူးပေါင်းရင်းမြစ်များ

Copo naporinso' 38:11

Marë camaiato shaꞌhuitërahuë: ‘Isëquë huarëꞌ naniaran. Isëranso co naꞌhuëaranhuëꞌ. Coꞌsacainënpita, co panorohuanhuë paꞌpiso pochin huëꞌpi. Yonsaiquë huëncahuachina sanoapona huachi,’ itërahuë.

Salmos 89:7

Quëmasoꞌ chini chiníquën nanantëran. Paꞌpi tëꞌhuatoro yaꞌnoran. Anquëninënpita tancapitërinën.

Malaquías 2:5

Nihuiroꞌco anoyatërahuësoꞌ, noya yaꞌhuëcaso marëꞌ naꞌcon catahuarin. Naporahuaton noya aꞌpairahuë niꞌton, sano cancantërin. Tëꞌhuatatonco natëincoso marëꞌ ina pochin catahuarahuë. Inasoꞌ, tëhuënchachin tëꞌhuatatonco natërinco.

Mateo 14:32

Ina quëran potiquë quësahuaton, ichiyaꞌconin. Yaꞌconpachina, aꞌnaroáchin ihuan sanorin.

Mateo 8:27

Ina nicatonaꞌ, caꞌtanoꞌsanënpita paꞌyanpi. —¿Ma quëmapicha isosoꞌ niꞌton, ihuan aꞌparin paya? Sonontaꞌ aꞌnaroáchin asanoirin, nitopi.

Marcos 4:40

—¿Onpoatomataꞌ tëꞌhuataramasoꞌ? ¿Co Yosë natëyatëraramahuëꞌ ti? itërin.

Marcos 5:1

Ina quëran, sonoꞌ aquëtëran Quirasa parti itopiquë canconpi.

Marcos 5:33

Napohuachina, sanapisoꞌ “Nani anoyatërinco,” taꞌton, ropa ropátërarin quëran Quisoso huëcapairin. Isonquirahuaton, noꞌtëquën shaꞌhuitërin. “Huaꞌquiꞌ caniorahuë niꞌton, sëꞌhuaranquën Sinioro. Sëꞌhuatënquën, aꞌnaroáchin noyatërahuë huachi,” tënin.

Marcos 7:37

“¡Maꞌpitacha Quisoso nitotërin paya! Nëꞌhuëroꞌsaꞌ anoyatohuachina, noya natantopi huachi. Co nonpirinahuëntaꞌ, aꞌnaroáchin anoyatërin niꞌton, noya nonsapi. ¡Yaꞌipichi noya ninin paya!” topi.

Lucas 4:36

Yaꞌipi piyapiꞌsaꞌ nicatonaꞌ, paꞌyanpi. —¡Maꞌpítacha Quisoso nitotërin paya! Chiníquën nanantaton, sopairoꞌsaꞌ ocoirin. Camaihuachina pipipi, nitopi.

Lucas 8:25

—¿Onpoatomataꞌ co natëramacohuë? itërin. Inapitaso nipirinhuëꞌ paꞌyanatonaꞌ, ninontapi. —¿Ma quëmapicha isosoꞌ niꞌton, ihuan aꞌparin nicaya? Sonontaꞌ aꞌnaroáchin asanoirin, nitopi.

Hebreos 12:28

Huaꞌanëntërinquë chachin ayaꞌconinpoaꞌ. Inápaquë paꞌpatëhuaꞌ, co onporontaꞌ taꞌhuantarihuahuëꞌ. Napoaton: “Yosparinquën Sinioro,” itahuaꞌ. Yaꞌipi cancanënpoa quëran inasáchin chinotahuaꞌ. Noya cancantatëhuaꞌ, natëahuaꞌ noya nicainpoaso marëꞌ. Ipora huantaꞌ Yosësoꞌ noꞌtëquën anaꞌintarin niꞌton, tëꞌhuatacasoꞌ yaꞌhuërin. Pënquë maꞌsha ahuiquitërëso pochin yaꞌipi co noyahuëꞌ nininsopita anaꞌintarin.

Apocalipsis 15:4

Yaꞌipiya Sinioro tëꞌhuachinënquën. Yaꞌipiya yonquiꞌinënquën. Quëmasáchin nóyanquën. Aꞌna tahuëri noꞌtëquën oshahuanoꞌsaꞌ anaꞌintaran niꞌton, nisha nisha piyapiꞌsaꞌ huëcatonaꞌ, chinotarinënquën,” topi cantatonaꞌ.

1 Samuel 12:24

Yosëso tëhuënchachin nosoroatonpoa naꞌcon catahuarinpoaꞌ. Ina yonquiatoma canpitasoꞌ, inaíchin noya nicatoma natëcamaso yaꞌhuërin. Yaꞌipi cancanëma quëran noꞌtëquën ina chinotamaso yaꞌhuërin.