Marcos 4:39 - Chayahuita (Shahui)

³⁹ Huanintarahuaton, ihuan aꞌparin. Sonontaꞌ camaiton: —¡Sanoquëꞌ! ¡Copi tëquë huachi! itërin. Itohuachina, ihuan copitënin. Aꞌnaroáchin sanoirin.

Marcos 4:39 ပူးပေါင်းရင်းမြစ်များ

Copo naporinso' 38:11

Marë camaiato shaꞌhuitërahuë: ‘Isëquë huarëꞌ naniaran. Isëranso co naꞌhuëaranhuëꞌ. Coꞌsacainënpita, co panorohuanhuë paꞌpiso pochin huëꞌpi. Yonsaiquë huëncahuachina sanoapona huachi,’ itërahuë.

Salmos 107:29

Ina nohuanton ihuan copi tënin. Coꞌsacainta asanoirin.

Salmos 148:8

oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Salmos 65:7

Marë panca coꞌsacaitohuachina, quëmari asanoiran. Nisha nisha nacionoꞌsanta noꞌhuitohuachinara, quëmariáchin asanoran.

Salmos 89:9

Marë noꞌhuitohuachina panca coꞌsacaitërin. Quëmariáchin nanitëran asanoicasoꞌ.

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 14:22

Ahuënan quëran iꞌ paira pochin nisarin, inchinan quëraontaꞌ, napopin chachin niꞌton, inataquëchin israiroꞌsa pëntonapi huachi.

Proverbios 8:29

marënta ama yaꞌhuërin quëran chaꞌhuëaton pipicaso marëhuëꞌ camaiasoꞌ, isoroꞌpanta simintonën pochin nininsoꞌ acoasoꞌ,

Mateo 8:26

—¿Onpoatomataꞌ tëꞌhuaramasoꞌ? ¿Co noya natëyatëraramacohuëꞌ ti? itërin. Ina quëran huënsëintarahuaton, ihuan aꞌparin. Sonontaꞌ nontërin. —Sanoquëꞌ, itohuachina, aꞌnaroáchin coꞌsacaiꞌ sanoirin.

Marcos 4:38

Yaꞌhuërë Quisososoꞌ, huanconënquë motonan motoantahuaton, huëꞌë́rarin. Caꞌtanoꞌsanënpitari ochinanpi: —¡Catahuacoi Maistro chimiitarihuaꞌ! ¿Co ina yonquiranhuëꞌ ti? itopi.

Marcos 9:25

Naꞌa piyapiꞌsaꞌ niyontonquirapi niꞌsahuaton, aꞌnaroáchin sopai itapon: —Quëmasoꞌ sopainquën. Piyapi yaꞌcoancantohuatana, anëꞌhuëran. Napoaton carinquën napotaranquën. Iso huaꞌhuasha quëran pipirahuaton, ama huachi onporontaꞌ yaꞌcoancantantaquësohuëꞌ, itërin.

Lucas 4:35

Itohuachina, Quisosori itërin: —¡Taꞌtëquëꞌ! Iso quëmapi quëran pipimiatëquëꞌ, itërin. Sopaisoꞌ quëmapi noꞌpaquë tëꞌyatahuaton, pipirin. Co mantaꞌ onpotërinhuëꞌ.

Lucas 4:39

Inaquë paaparahuaton, sapo aꞌnaroáchin inquitërin. Noyatërin huachi. Nani noyatahuaton, inari chachin aꞌcarin, oꞌshitërin, napotërin.