Marcos 4:34 - Chayahuita (Shahui)

³⁴ Napoaponahuëꞌ, pënënto nanan quëransáchin aꞌchintërin. Ina quëran caꞌtanoꞌsanënpitaráchin yaꞌhuëhuachinara, oshaquëran aꞌchintantarin noꞌtëquën yonquicaiso marëꞌ.

Marcos 4:34 ပူးပေါင်းရင်းမြစ်များ

Mateo 13:34

Notohuaroꞌ piyapiꞌsaꞌ niyontonpachinara, naꞌa pënënto nanan shaꞌhuitërin. Maꞌpochinsona nininsoáchin shaꞌhuitërin.

Marcos 4:10

Niyontonpisopita paꞌpachinara, aꞌnaquën imapisopita co paꞌpihuëꞌ. Shonca catoꞌ caꞌtanoꞌsanënpitarë chachin co paꞌpihuëꞌ. “Apira aꞌchintërancoisoꞌ co noya nitotëraihuëꞌ. ¿Maꞌtaꞌ tapon naporan?” itopi.

Marcos 4:33

Ina pochin Quisosori piyapiꞌsaꞌ aꞌchintarin. Naꞌa pënënto nananoꞌsa quëran ayonquiarin. Natantiinpichin aꞌchintarin.

Lucas 24:27

Ina quëran Yosë quiricanënquë ninotona ninshitopisoꞌ, aꞌchintarin. Moisësëꞌton ninoton, Yosë quiricanënquë ninshitërin. Ina piquëran naꞌa pënëntonaꞌpiroꞌsaꞌ ninoantapi. Yaꞌipi Cristo ninopisoꞌ noꞌtëquën aꞌchintarin.

Juan 10:6

Iso pënënto nanan shaꞌhuitopirinhuëꞌ, co nitotopihuëꞌ. —¿Maꞌtaꞌ tapon naporin? itopi.

Juan 16:25

“Ma pochinsona nininsoꞌ nani aꞌchintëranquëmaꞌ. Aꞌna tahuëriso nipirinhuëꞌ co huachi ina pochin aꞌchintaranquëmahuëꞌ. Aꞌninquëchin tatahuë naporinsoꞌ shaꞌhuitaranquëmaꞌ.

Hechos 28:23

Aꞌna tahuëri huënantahuatoi, shaꞌhuitocoi nitochii, itopi. —Noya iyaroꞌsapaꞌ. Naporoꞌ tahuëri huënantacoꞌ yaꞌipinquëmaꞌ shaꞌhuichinquëmaꞌ, itohuachina, paꞌpi. Ina quëran tahuëri nanihuachina, naꞌayaꞌpi huëꞌpi. Paono yaꞌhuërinquë niyontonpi natanacaiso marëꞌ. Tashiramiachin huëꞌpi. Huëꞌpachinara, Paonori aꞌchintárin. —Yosë yahuaꞌanëntërinpoaꞌ. Naꞌcon nohuantërin huëntonënquë chachin ayaꞌcoinpoasoꞌ. Ina marëꞌ huiꞌnin aꞌpaimarin. Inasoꞌ Quisoso itopi. Quiricanën quëran ina naꞌcon ninopi. Moisësë pënëntërinsoꞌ ninshitaton, ninorin. Pënëntonaꞌpiroꞌsantaꞌ ninopi, itërin. Quiricanën quëran naꞌcon aꞌchintërin. Aꞌchintaton, chiníquën pënënin Quisoso natëcaiso marëꞌ. Aꞌchintochináchin iꞌhuatërin.