Marcos 4:3 - Chayahuita (Shahui)

³ Aꞌchintaton, itapon: “Natanco aꞌchinchinquëmaꞌ. Aꞌna quëmapi shaꞌtapon paꞌsarin.

Marcos 4:3 ပူးပေါင်းရင်းမြစ်များ

Salmos 34:11

Huëco huaꞌhuaroꞌsa aꞌchinchinquëmaꞌ, natancoꞌ. Sinioro noya nicatë natëcasoꞌ aꞌchintaranquëmaꞌ.

Proverbios 7:24

Ina pochin huaꞌhua niꞌton, napotëranquënsoꞌ, noya natanaton yonquiquëꞌ.

Proverbios 8:32

Iporaso huaꞌhuaroꞌsa noya natancoꞌ. Ca nonanpatamaco, tëhuënchachin capa cancantaramaꞌ.

Eclesiastés 11:6

Napoaton tashiramiachin shaꞌtëquëꞌ. Iꞌhuanahuanquëntaꞌ, shaꞌtaantaquëꞌ. Co nitotërëhuahuëꞌ insoso noyatapon nimara. Yaꞌnan shaꞌnëhuaso aꞌna nimara, piquëran shaꞌtërëhuaso aꞌna nimara. Cato chachin aꞌna nimara.

Isaías 46:12

Canpitasoꞌ, co natantochináchinhuëꞌ cancantëramaꞌ. Napoapomarahuëꞌ, noya natancoꞌ. Canpitaso naporamaꞌ: ‘Co nimara aꞌnaroáchin Yosë nichaꞌësarinpoahuëꞌ,’ tënamaꞌ. Napopiramahuëꞌ, co huaꞌquiya quëranhuëꞌ, nichaꞌëcaꞌhuanquëmaso marëꞌ maꞌsha nisarahuë. Co huaꞌquiya quëranhuëꞌ, nichaꞌësaranquëmaꞌ. Quirosarinquë yaꞌhuëpisopita cari nichaꞌësarahuë. Yaꞌipi Cota huëntonquë yaꞌhuëpisopitantaꞌ, napotarahuë. Israiro noꞌpaquë yaꞌhuëpisopita noya noya yaꞌnorahuësoꞌ, aꞌnotarahuë,” tënin.

Isaías 46:3

Yosë chachin naporin: “Cacopo quëran pipiramasopita natancoꞌ. Yaꞌipi israiroꞌsa quëparitëramasoꞌ natancoꞌ: Coꞌhuara nasichátërapomahuëꞌ, carima pëꞌpëatë pochin quëparanquëmaꞌ. Ipoatë pochin quëpatënquëma aꞌpairanquëmaꞌ.

Mateo 13:24

Ina quëran aꞌchintaantarin: “Aꞌnantaꞌ iyaroꞌsaꞌ, aꞌchintaantaꞌinquëmaꞌ Yosë huaꞌanëntërinsoꞌ nitotacamaso marëꞌ. Aꞌna patron iminpachina, noya trico shaꞌnin.

Mateo 13:26

Inantaꞌ pichopitahuaton, tricorëꞌ napopianachin yaꞌnorin. Cato chachin aꞌshinaponahuëꞌ, pacatërosoꞌ co nitërinhuëꞌ. Naporo huarëꞌ nohuitopi huachi. ‘Isosoꞌ co tricohuëꞌ, pacatëroꞌ,’ topi.

Mateo 13:3

Nisha nisha pënënto nanan aꞌchintërin. Ma pochinsona nininsopita aꞌchintárin ayonquicaso marëꞌ. Aꞌchintaton, itapon: “Aꞌna quëmapi shaꞌtapon paꞌsarin.

Marcos 4:14

Tricoraya paꞌsarayarëso pochin Yosë nanamën yaꞌipi parti aꞌchinëꞌ.

Marcos 4:2

Nisha nisha pënënto nanan aꞌchintarin. Ma pochinsona Yosë nanamën nininsoꞌ ayonquicaso marëꞌ aꞌchintarin.

Marcos 4:23

Huëratëhuanpatamaꞌ, noya natanatomaco, yonquicoꞌ,” itërin.

Marcos 4:4

Naꞌa trico paꞌsarayarin papotacaso marëꞌ. Paꞌsarayahuachina, aꞌnaquën yaꞌpirin iraquë huarëꞌ anotërin niꞌton, inairaroꞌsari huëcapairahuatonaꞌ, pëꞌyaquipi.

Marcos 4:9

Itahuaton: “Huëratëhuanpatamaꞌ, noya natanatomaco, yonquicoꞌ,” itaantarin.

Hechos 2:14

Shonca catoꞌ caꞌtanoꞌsaso nipirinhuëꞌ, co tëꞌhuatonaraihuëꞌ huanipi. Pitrosoꞌ aꞌninquëchin huanirahuaton, chiníquën nontërin yaꞌipi piyapiꞌsaꞌ natanacaiso marëꞌ. “Noya natanco iyaroꞌsaꞌ. Yaꞌipima Quirosarinquë yaꞌhuëramasopitantaꞌ natanco onporaisona noꞌtëquën shaꞌhuichinquëmaꞌ.

Deuteronomio 4:1

Moisësëri israiroꞌsa nontaton itapon: “Iporaso huachi, Sinioro pënëntërinsoꞌ natëcoꞌ. Camairinquëmasopitantaꞌ, natëcoꞌ. Nani yaꞌipi carinquëma aꞌchintëranquëmaꞌ. Ama topinan quëran natanatomarahuëꞌ, ina nohuantërinso nicoꞌ. Inapohuatamaꞌ, noya nanpitoma Yosë quihuitërinpoasoꞌ noꞌpaquë yaꞌconatoma huaꞌanëntaramaꞌ. Shimashonënpoapita shaꞌhuitërinso chachin quëtarinpoaꞌ.

Santiago 2:5

Niꞌcoꞌ iyaroꞌsaꞌ. Naꞌaquënpoaꞌ co naꞌcon coriqui yaꞌhuëtopirinpoahuëꞌ, Yosë huayoninpoaꞌ imacaso marëꞌ. Yosë nohuitohuatëhuaꞌ, nóya cancantarihuaꞌ. Huëntonënquë chachin ayaꞌconinpoaꞌ niꞌton, Yosëꞌpaꞌ noya noya yaꞌhuëcontarihuaꞌ. Nani shaꞌhuitërinpoaꞌ. “Nosorohuatamaco, inápaquë quëpantaranquëmaꞌ,” itërinpoaꞌ.

Apocalipsis 2:11

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, co parisitopiquë paatomaꞌ, parisitomiataramahuëꞌ. Nani huachi,” itëquëꞌ, ninshitohuatan, itërinco.

Apocalipsis 2:29

Imaramaco niꞌton, Ispirito Santo nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ, ninshitohuatan, itërinco.

Apocalipsis 2:7

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, Yosëꞌpaꞌ yaꞌhuëmiataramaꞌ. Inatohuaꞌ nanpirin nara nitërinsoꞌ caꞌpatamaꞌ, noya noya nanpimiataramaꞌ. Nani huachi,” itëquëꞌ, ninshitohuatan, itërinco Quisoso.