Marcos 4:27 - Chayahuita (Shahui)

²⁷ Shaꞌtërinso piquëran tashihuachina, huaꞌanën huëꞌërin. Tahuërihuachina, huënsëantarin. Nani tahuëri naporárin. Oshaquëran shaꞌninsoꞌ pichopitahuaton, papotërin. Onporohuatonsoꞌ papotërinsoꞌ co nitotërinhuëꞌ.

Marcos 4:27 ပူးပေါင်းရင်းမြစ်များ

Eclesiastés 11:5

Co ina pochin nicacaso yaꞌhuërinhuëꞌ. Canpoasoꞌ ihuan insëchinsona paꞌninsoꞌ, co nitotërëhuahuëꞌ. Huaꞌhuashanta aꞌshin yoꞌnamënquë aꞌshininsoꞌ, co nitotërëhuahuëꞌ. Inapita co nitotërëhuasohuë pochachin Sinioro maꞌsona nicacasonta co nitotërëhuahuëꞌ. Ina nohuanton nani maꞌsha yaꞌhuërin.

Marcos 4:26

Ina quëran napotaantarin: “Yosë huaꞌanëntërinsoꞌ aꞌchinchinquëmaꞌ. Iminquë shaꞌtërëso pochin ninin.

Marcos 4:28

Shaꞌpachina, inaora nohuanton, noꞌpa quëran papotërin. Nani aꞌshinpachina, huënsharatërin. Nani huënsharatahuaton, nitërin.

2 Tesalonicenses 1:3

Iporasoꞌ iyaroꞌsaꞌ noya noya imasaramaꞌ. Cancanëma quëran huarëꞌ ina natëramaꞌ. Naꞌcon naꞌcon ninosororamaꞌ niꞌton, nani tahuëri “Yosparinquën,” itërai Yosë. Ina naꞌcon catahuarinquëmaꞌ niꞌton, ina pochin nontacasoꞌ yaꞌhuërin. Ina Yosë nohuantërin.

2 Pedro 3:18

Canpitaso nipirinhuëꞌ, Sinioro Quisocristoíchin yonquicoꞌ. Inaora nohuanton, nosororinquëmaꞌ niꞌton, nani tahuëri yacatahuarinquëmaꞌ. Inasáchin yonquihuatamaꞌ, oshaquëran noya noya nohuitaramaꞌ. Inasoꞌ nichaꞌësarinpoaꞌ. Yaꞌipi piyapiꞌsari chinochinaꞌ. Ayaroꞌ tahuëriquë huarëꞌ inasáchin yonquiaꞌahuaꞌ. Amen. Nani ninshitëranquëma huachi. Pitro