Marcos 4:12 - Chayahuita (Shahui)

¹² Inapitasoꞌ co yanatërinacohuëꞌ niꞌton, natanaponaraihuëꞌ, co natëtapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ. Imarinaco naporini, oshanënaꞌ inquitahuato anoyacancanchitohuëꞌ,” itërin.

Marcos 4:12 ပူးပေါင်းရင်းမြစ်များ

Isaías 43:8

Piyapinëhuëpitaso yaꞌpirahuanaponaraihuëꞌ, somaraya pochin cancantopi. Huëratëhuanaponaraihuëꞌ, nëꞌhuërinso pochin cancantopi. Ina pochin nipirinahuëꞌ, quëantacoꞌ.

Isaías 44:18

Napopisopita napoonpi. Co manta yonquipihuëꞌ. Somaraya pochin cancantatona co nanitopihuëꞌ noꞌtëquën yonquicaisoꞌ.

Jeremías 36:3

Tapona Cota huënton israiroꞌsa huëhuëpiro yonquirapirahuëso nitotatonaꞌ, co noyahuëꞌ nipisoꞌ yaaꞌpoápirinahuëꞌ. Inapopi naporini, co noyahuëꞌ nicatona oshahuanpisoꞌ, inquichitohuëꞌ,” itërinco.

Marcos 8:18

Noya natanapomarahuëꞌ, ¿onpoatomataꞌ co yonquiramahuëꞌ? Nicapomarahuëꞌ, ¿onpoatomata co natëtëramahuëꞌ?

Lucas 8:10

“Yosë huaꞌanëntërinsoꞌ co aꞌnapita nitotopihuëꞌ. Canpitaso nipirinhuëꞌ yaꞌipiya aꞌchinchinquëmaꞌ Yosë nanamën noꞌtëquën nitotacamaso marëꞌ. Aꞌnapitaso nipirinhuëꞌ co yaꞌipiya aꞌchintarahuëꞌ. Pënënto nananquësáchin aꞌchintarahuë niꞌton, natanaponaraihuëꞌ, co nitotapihuëꞌ. Maꞌsona ninahuësontaꞌ nicaponaraihuëꞌ, co yonquiapihuëꞌ,” itërin.

Hechos 3:19

Napoaton iyaroꞌsaꞌ yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ.

2 Timoteo 2:25

Nisha nanan imapachina, oshaquëran pënëanhuanꞌ. Ama noꞌhuitatëhuahuëꞌ, aꞌchintahuaꞌ. Yosëri catahuahuachin, oshaquëran co noyahuëꞌ yonquipisopita naniantatonaꞌ, noꞌtëquën yonquiaponaꞌ nimara.

Hebreos 6:6

Quisocristo aꞌpohuachinaꞌ, ¿incaricha anoyacancantërëꞌpoiya? Co huachi nanitapihuëꞌ chaꞌëcaisoꞌ. Yosë huiꞌnin chachin canpoa marëꞌ chiminin. Co ina nohuantohuachinahuëꞌ, naquëranchin corosëquë patanantopiso pochin cancantapi. Ina aꞌpohuachinaꞌ, piyapisari Quisoso tëhuaponaꞌ.