Marcos 4:10 - Chayahuita (Shahui)

¹⁰ Niyontonpisopita paꞌpachinara, aꞌnaquën imapisopita co paꞌpihuëꞌ. Shonca catoꞌ caꞌtanoꞌsanënpitarë chachin co paꞌpihuëꞌ. “Apira aꞌchintërancoisoꞌ co noya nitotëraihuëꞌ. ¿Maꞌtaꞌ tapon naporan?” itopi.

Marcos 4:10 ပူးပေါင်းရင်းမြစ်များ

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Mateo 13:3

Nisha nisha pënënto nanan aꞌchintërin. Ma pochinsona nininsopita aꞌchintárin ayonquicaso marëꞌ. Aꞌchintaton, itapon: “Aꞌna quëmapi shaꞌtapon paꞌsarin.

Mateo 13:36

Ina quëran piyapiꞌsaꞌ patahuaton, pëiquë yaꞌconconin. Inaquë caꞌtanoꞌsanënpitari itaponaꞌ: “Achin sacaiꞌ pochin pënënto nanan aꞌchintopirancoihuëꞌ. Pacatëroꞌ shaꞌpisoꞌ co nitotëraihuëꞌ. ¿Maꞌtaꞌ tapon naporan? Aꞌchintantacoi nitochii,” itopi.

Marcos 4:11

Itohuachinara, Quisosori itapon: “Onpopinsona Yosë huaꞌanëntërinsoꞌ co aꞌnapita nitotopihuëꞌ. Co imarinacohuëꞌ niꞌton, co nitotopirinahuëꞌ, canpitasoꞌ carinquëmaꞌ aꞌchinchinquëmaꞌ. Yosë nanamën noꞌtëquën nitotacamaso marëꞌ aꞌchinchinquëmaꞌ. Aꞌnapitaso nipirinhuëꞌ pënënto nanan quëransáchin aꞌchintarahuë.

Marcos 4:34

Napoaponahuëꞌ, pënënto nanan quëransáchin aꞌchintërin. Ina quëran caꞌtanoꞌsanënpitaráchin yaꞌhuëhuachinara, oshaquëran aꞌchintantarin noꞌtëquën yonquicaiso marëꞌ.

Marcos 4:9

Itahuaton: “Huëratëhuanpatamaꞌ, noya natanatomaco, yonquicoꞌ,” itaantarin.

Marcos 7:17

Nani aꞌchintohuachina, piyapiꞌsaꞌ patahuaton, pëiquë yaꞌconconin. Caꞌtanoꞌsanënpitantaꞌ yaꞌconpi. Nani yaꞌconpachinara: “Achin naporansoꞌ co nitotëraihuëꞌ. ¿Maꞌtaꞌ tapon naporan?” itopi.