Marcos 3:9 - Chayahuita (Shahui)

^9-10 Naꞌa piyapiꞌsaꞌ nani anoyatërin niꞌton, yaꞌipi caniaꞌpiroꞌsaꞌ huëꞌsapi. Naꞌa piyapiꞌsaꞌ niꞌton, yaꞌsëratërarahuatonaꞌ, huëꞌsapi Quisoso sëꞌhuacaiso marëꞌ. “Sëꞌhuahuato, anoyatarinco,” taꞌtonaꞌ, naporapi. Napoaton caꞌtanoꞌsanënpita itapon: “Poti amasha quëpacoꞌ inaquë huënsëato aꞌchinchi. Notohuaroꞌ piyapi niꞌton, yaꞌquëëtohuachinaco,” itërin.

Marcos 3:9 ပူးပေါင်းရင်းမြစ်များ

Mateo 15:39

Ina quëran piyapiꞌsaꞌ nontahuaton, potiquë yaꞌconin. Aquëtëran pëntonahuaton, Macatan parti canconin.

Marcos 4:1

Naquëranchin sonoꞌ yonsanquë Quisoso aꞌchiantararin. Inaquë notohuaroꞌ piyapiꞌsaꞌ niyontonpi natanacaiso marëꞌ. Huaꞌhuayatërahuëꞌ tancapitohuachinara, potiquë yaꞌconahuaton, huënsëmarin. Inaquë yanponapirarin. Yaꞌhuërëꞌ piyapiꞌsasoꞌ iiꞌ yonsanquë yamorapi.

Marcos 4:36

Nani piyapiꞌsa nontahuaton, Quisoso potiquë yaꞌcomarin. Napohuachina, caꞌtanoꞌsanënpitarë chachin paꞌpi. Naporoꞌ aꞌnapitantaꞌ nisha potiroꞌsaquë paꞌpi.

Marcos 5:2

Quisoso nani nonshihuachina, aꞌna quëmapiri naꞌpi nanin quëran pipirahuaton, nacapirin. Sopairi yaꞌcoancantërin niꞌton, co huachi noya yonquirinhuëꞌ. Huaꞌyantërin.

Marcos 5:30

Quisososoꞌ co quënanaponahuëꞌ, inaora nitotërin. “Aꞌnasoꞌ natëtonco, sëꞌhuaquirinco. Ca nohuanto noyatërin,” taꞌton, aꞌnaroáchin tahuërëtahuaton, natantërin: —¿Intaꞌ aꞌmorahuësoꞌ sëꞌhuatërinco? tënin.

Marcos 6:32

Itohuachina, potiquë yaꞌconahuatonaꞌ, paꞌpi. Co piyapi yaꞌhuërinquëhuëꞌ paꞌsapirinahuëꞌ.

Lucas 5:1

Ina quëran Quisoso Quinisariti sonoꞌ yonsanquë aꞌchinarin. Naꞌa piyapiꞌsaꞌ yamorapi. Yosë nanamën natanacaiso marëꞌ huëꞌpi. Chiníquën yaꞌquëëtopi.

Lucas 5:3

Aꞌna potisoꞌ Simonquën. Inaquë yaꞌconahuaton, “Amasha paquëꞌ,” itërin. Itohuachina, amasha paꞌnin. Inaquë huënsërahuaton, piyapiꞌsaꞌ aꞌchintaantarin.

Juan 6:15

“Huëcoꞌ maahuaꞌ, copirno acoaꞌahuaꞌ,” topi aꞌnaquën. Co Quisosori natanaponahuëꞌ, inaora yonquinën quëran nitotërin. Nitotaton, inaora panënquë pantarin.