Marcos 3:3 - Chayahuita (Shahui)

³ Naporoꞌ apia itapon: —Huëꞌsahuaton, huancánachin huaniquëꞌ, itërin.

Marcos 3:3 ပူးပေါင်းရင်းမြစ်များ

Isaías 42:4

Co amichináchinhuë sacataton, isoroꞌpaquë noya nicatona yaꞌhuëcaiso catahuatapon. Marë yonsanquë yaꞌhuëpisopitantaꞌ, inari aꞌchintacaso ninaponaꞌ,” tënin.

Daniel 6:10

Camaitopiso Naniri nitotaponahuëꞌ, co natëtërinhuëꞌ. Pëinënquë paꞌsahuaton, huëꞌërinso patoanaquë yaꞌconin. Huintananënpita Quirosarin parti notëtopisoꞌ iꞌsohuatahuaton, isonin. Isonahuaton Yosë nontërin, chinotërin, naporin. Inachintërin nichinapon chachin nani tahuëri cararo naporin.

Mateo 12:10

Inaquë aꞌna quëmapi quënanconin. Aꞌna imirin tachitërin niꞌton, co piꞌpisha tërantaꞌ nanitërinhuëꞌ sëꞌquëtacasoꞌ. “Ipora tahuëri co caniaꞌpiroꞌsaꞌ anoyatacaso yaꞌhuërinhuëꞌ,” taꞌtonaꞌ, parisioroꞌsari niꞌsapi. Quisoso yashaꞌhuirapitonaꞌ, itaponaꞌ: —Chinoto tahuëri nipirinhuëꞌ, ¿noya caniaꞌpiroꞌsaꞌ anoyatacasoꞌ ti? itopi.

Marcos 3:2

“Chinoto tahuëri anoyatomara,” taꞌtonaꞌ, parisioroꞌsari niꞌsápi shaꞌhuirapicaiso marëꞌ.

Marcos 3:4

Inaquë nipachina, piyapiꞌsaꞌ itapon: —Chinoto tahuëri noya nicacasoꞌ yaꞌhuërin. Co ahuëtacasoꞌ, co tëpatacasoꞌ, co inapita nicacasoꞌ yaꞌhuërinhuëꞌ. Caniaꞌpi tananpitohuatosoꞌ, co nosoroarahuëꞌ. Nipirinhuëꞌ, nosoroato anoyataꞌhuasoꞌ yaꞌhuërin, tënahuë casoꞌ. ¿Maꞌtaꞌ tënama canpitasoꞌ? itërin. Natanaponaraihuëꞌ, co mantaꞌ topihuëꞌ.

Lucas 6:8

Topinan yonquiarapirinahuëꞌ, Quisosori ninorin. Napoaton apia itërin: —Huëꞌsahuaton huancánachin huaniquëꞌ, itërin. Napotohuachina, huanirahuaton, inaquë paꞌnin.

Juan 9:4

Ipora chachin catahuarahuë. Yosë natëto, ina marëꞌ sacatarahuë. Co huaꞌquiꞌ isoroꞌpaquë yaꞌhuarëhuahuëꞌ. Aꞌna tahuëriáchin pochin yaꞌhuërëhuaꞌ. Shiarahuaton tashihuachin, co huachi nanitarihuahuëꞌ maꞌsha nicacasoꞌ.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

Gálatas 6:9

Ama Yosë naniantatëhuahuëꞌ, noya niahuaꞌ. Noya nicacasoꞌ ama amiahuasohuëꞌ. Chiníquën cancantohuatëhuaꞌ, Yosë noya niꞌsarinpoaꞌ. Ina marëꞌ tahuëri nanihuachin, acanaarinpoaꞌ.

Filipenses 1:14

Tashinan pëiquë poꞌmopirinacohuëꞌ, chiníquën cancantërahuë. Ina natanatonaꞌ, naꞌa imapisopita co huachi aquëtëꞌ tëꞌhuapihuëꞌ. “Quisocristo catahuarincoi quiyantaꞌ,” taꞌtonaꞌ, chiníquën cancantapi. Chiníquën cancantatonaꞌ, Yosë nanamën naꞌcon naꞌcon aꞌchinapi.

1 Pedro 4:1

Quisocristo isoroꞌpaquë oꞌmaton, tëhuënchachin parisitërin. Napoaton canpitantaꞌ parisitohuatamaꞌ, ahuantocoꞌ. Quisocristo yonquiatëhuaꞌ, noya ahuantohuatëhuaꞌ, noya noya cancantarihuaꞌ. Co huachi oshahuanacasoꞌ paꞌyatarihuahuëꞌ.