Marcos 3:29 - Chayahuita (Shahui)

²⁹ Nipirinhuëꞌ, Ispirito Santo pinotomaꞌ oshahuanpatamaꞌ, ina oshanëmasoꞌ co inquitarinquëmahuëꞌ. Onpopiontaꞌ anaꞌintinquëmasoꞌ yaꞌhuërin,” itërin.

Marcos 3:29 ပူးပေါင်းရင်းမြစ်များ

Mateo 25:46

Parisitopiquë paꞌsahuatonaꞌ, inaquë yaꞌhuëmiatapi huachi. Noya nipisopitaso nipirinhuëꞌ, Yosë pochin nanpimiatapi huachi,” itërin Quisosori.

Mateo 9:3

Ina natanahuatonaꞌ, cotio maistroꞌsaꞌ yonquipi. “¿Ma quëmapitaꞌ isosoꞌ? ‘Oshanën inquitaranquën,’ taꞌton, Yosë yayaꞌhuërëtërin,” topi, yonquiatonaꞌ.

Marcos 12:40

Noya nonaponaraihuëꞌ, aꞌnaya aꞌnaya quëyoronoꞌsaꞌ nonpintatonaꞌ, maꞌshanënapita matopi. Ama noninacaiso marëhuëꞌ huaꞌquiꞌ Yosë nontopirinahuëꞌ, co cancanëna quëran natëpihuëꞌ. Ina marëꞌ aquë aquëtëꞌ Yosëri anaꞌintarin,” tënin.

Marcos 3:30

“Sopairi yaꞌcoancantërin,” topiso marëꞌ Quisoso napopënëntërin.

Lucas 12:10

Aꞌnaquën noꞌhuitonaco, pinorinaco. Ina quëran oshanëna marëꞌ sëtohuachinaꞌ, Yosëri oshanënaꞌ inquitarin. Nipirinhuëꞌ Ispirito Santo pinotonaꞌ oshahuanpisoꞌ, co onporontaꞌ inquitarinhuëꞌ.

2 Tesalonicenses 1:9

Noꞌtëquën anaꞌintaton, parisitopiquë aꞌpararin. Aquë aꞌpahuachin, chiníquën parisitomiatapi, co chaꞌësapihuëꞌ. Inatohuaꞌ paatonaꞌ, co onporontaꞌ Quisocristo nohuitapihuëꞌ. Inasoꞌ chini chiníquën nanantaton, noyasáchin niponahuëꞌ, inapitasoꞌ co onporontaꞌ nirayarapihuëꞌ.

Judas 1:13

Pamantaꞌ yonquicoꞌ. Panca pamatohuachina, notohuaroꞌ saꞌpoꞌ, amoroꞌ, inapita quënin. Nonpinaꞌpiroꞌsasoꞌ, ina pochin co sano cancantopihuëꞌ. Co noyahuëꞌ nipi niꞌton tapanacaso nipirinhuëꞌ, co nitotapanpihuëꞌ. Ina marëꞌ Yosëri anaꞌintarin. Tayorantaꞌ yonquicoꞌ. Anotohuachina, tacopirin. Co huachi aꞌpininhuëꞌ. Inapochachin nisha aꞌchinaꞌpiroꞌsantaꞌ, tashinanquë paꞌmiatapi. Quisocristo aꞌpohuachinaꞌ, parisitopiquë pacacasoꞌ yaꞌhuërin huachi.

Judas 1:7

Iráca Sotomaquë yaꞌhuëpisopitantaꞌ paꞌpi co noyahuëꞌ yonquipi. Monshihuanacaisoáchin cancantopi. Aꞌnaratipita taparoꞌ nipi. Co ina pochin nicacasohuëꞌ nipirinhuëꞌ, napopi. Ina marëꞌ Yosëri chiníquën anaꞌintërin. Pën inápa quëran aꞌpaimarin ahuiquitacaso marëꞌ. Sotoma, Comora, inapita huiquitopi. Yaꞌcariya ninanoroꞌsantaꞌ huiquitopi. Ayonquiinpoaso marëꞌ ninshitërinpoaꞌ. Inapita yonquiatëhuaꞌ, “Aꞌna tahuëri oshahuanoꞌsaꞌ pënquë parisitomiatapi huachi,” tënëhuaꞌ.