Marcos 3:2 - Chayahuita (Shahui)

² “Chinoto tahuëri anoyatomara,” taꞌtonaꞌ, parisioroꞌsari niꞌsápi shaꞌhuirapicaiso marëꞌ.

Marcos 3:2 ပူးပေါင်းရင်းမြစ်များ

Salmos 37:32

Co noyahuëꞌ nipisopitasoꞌ, noya nipisopita poꞌoana quëran nëhuëpi. “Tëpachinaꞌi,” taꞌtona napopi.

Jeremías 20:10

Naní quëran pochin tëhuatonaco: “Yaꞌipi parti paꞌyan yaꞌhuërin” itoninaco. Naporahuaton: “Huëco paꞌahua shaꞌhuirapiahuaꞌ,” tosápi. Amiconëhuëpita quëran huarëꞌ tëhuëcaꞌhuaso ninapi. Monatonaco yacanarinaco. “Canarëhua naporini, iꞌhuërëchitërihuahuëꞌ,” topi.

Daniel 6:4

Huaꞌanoꞌsaꞌ, chirinchiroꞌsaꞌ, inapitariso napoaponahuëꞌ, co quëꞌyapihuëꞌ. Inapoatona shaꞌhuirapicaiso marëꞌ maquë tëranta tëhuërinsoꞌ yonípi. Naniriso noyasáchin nisahuaton, co piꞌpian tëranta ihuatërinhuëꞌ. Napoaton co nanitopihuëꞌ shaꞌhuirapicaisoꞌ.

Mateo 12:10

Inaquë aꞌna quëmapi quënanconin. Aꞌna imirin tachitërin niꞌton, co piꞌpisha tërantaꞌ nanitërinhuëꞌ sëꞌquëtacasoꞌ. “Ipora tahuëri co caniaꞌpiroꞌsaꞌ anoyatacaso yaꞌhuërinhuëꞌ,” taꞌtonaꞌ, parisioroꞌsari niꞌsapi. Quisoso yashaꞌhuirapitonaꞌ, itaponaꞌ: —Chinoto tahuëri nipirinhuëꞌ, ¿noya caniaꞌpiroꞌsaꞌ anoyatacasoꞌ ti? itopi.

Marcos 3:3

Naporoꞌ apia itapon: —Huëꞌsahuaton, huancánachin huaniquëꞌ, itërin.

Lucas 14:1

Aꞌna huaꞌani Quisoso amatërin coshatapacaso marëꞌ. Parisio quëmapi inasoꞌ. Amatohuachina, inaquë paꞌnin. Chinoto tahuëri niꞌton, aꞌnapitarintaꞌ niꞌsapi shaꞌhuirapicaiso marëꞌ.

Lucas 20:20

Napoaton aꞌnaquën quëmapiꞌsaꞌ amatahuatonaꞌ, itaponaꞌ: “Nonpintatomaꞌ, Quisosoquë pacoꞌ. Yaimaramaso pochin nicatomaꞌ, ina nontocoꞌ atëhuëcaso marëꞌ. Ina quëran shaꞌhuirapihuatamaꞌ, huaꞌani sontaroꞌsaꞌ aꞌpaarin ina macacaso marëꞌ,” itopi.

Lucas 6:7

“Chinoto tahuëri nipirinhuëꞌ, Quisosori anoyatapon nimara,” taꞌtonaꞌ, cotio maistroꞌsaꞌ, parisioroꞌsaꞌ, inapitari niꞌsápi shaꞌhuirapicaiso marëꞌ.

Juan 8:6

Quisoso atëhuërahuatonaꞌ shaꞌhuirapicaiso marëꞌ natanapi. Quisososo nipirinhuëꞌ iꞌchorahuaton, imirin quëran noꞌpaquë ninshitarin.

Juan 9:16

—Niꞌquëchi. Chinoto tahuëri nipirinhuëꞌ, co Quisoso chinotërinhuëꞌ. Napoaton co Yosë quëran oꞌmarinhuëꞌ, topi aꞌnaquën. —¿Onporahuatontaꞌ nipachin nanitërin somaraya aꞌnaroáchin anoyatacasoꞌ? Oshahuan naporini, co nanitapaitonhuëꞌ, topi aꞌnaquëontaꞌ. Nisha nisha yonquipi.