Marcos 2:8 - Chayahuita (Shahui)

⁸ Topinan yonquirapirinahuëꞌ, yonquipiso nitotaton Quisosori itapon: —¿Onpoatomataꞌ co noyahuëꞌ yonquirapiramaco?

Marcos 2:8 ပူးပေါင်းရင်းမြစ်များ

Salmos 139:2

Yaꞌipi ninahuësopita quëmasoꞌ nitotëran. Aquëranta nipirinhuëꞌ, maꞌsona yonquirahuëso nitotëran.

Isaías 55:7

Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Mateo 12:15

Ina nitotaton, Quisoso aꞌna parti paꞌnin. Naꞌa piyapiꞌsari imasarin. Caniaꞌpiroꞌsaꞌ huëꞌpachinara, yaꞌipiya anoyatërin.

Mateo 16:7

Natanahuatonaꞌ, caꞌtanoꞌsanënpita capini ninontopi. —¿Onpoatontaꞌ naporin? tënin aꞌnasoꞌ. —Ahuën. Capa pan. Co quënëhuahuëꞌ niꞌton, napotërinpoaꞌ nimara, tënin aꞌnantaꞌ.

Mateo 9:4

Topinan yonquinëna quëran napoápirinahuëꞌ, Quisosori nitotaton. —¿Onpoatomataꞌ co noyahuëꞌ yonquirapiramaco?

Marcos 2:7

“¿Ma quëmapitaꞌ isosoꞌ Yosë yayaꞌhuërëtërin? Co ínsontaꞌ nanitërinhuëꞌ oshanënpoaꞌ inquitinpoasoꞌ. Yosëíchin nanitërinsoꞌ,” topi yonquiatonaꞌ.

Marcos 2:9

Canpitaso naporamaꞌ: “Piyapinpoa aꞌnapita oshanën inquitacasoꞌ, co nanitërëhuahuëꞌ. Apia camaiatëꞌ: ‘Huaniquëꞌ apiaꞌhua. Pëꞌsaraꞌhuanën masahuaton, noya paquë huachi,’ itacasontaꞌ co nanitaparëhuahuëꞌ,” tënamaꞌ.

Marcos 7:21

Acopoꞌ cancanëma quëran co noyahuëꞌ yonquiramasopita pipirin. Co noyahuëꞌ yonquihuatamaꞌ, monshihuanamaꞌ, ihuatëramaꞌ, tëpatëramaꞌ.

Lucas 24:38

—¿Maꞌmarëtaꞌ paꞌyanamaꞌ? ¿Onpoatomataꞌ nisha nisha yonquiramaꞌ?

Lucas 5:22

Topinan yonquiarapirinahuëꞌ, inaora yonquinën quëran Quisoso nitotërin. —¿Onpoatomataꞌ co noyahuëꞌ yonquirapiramaco?

Lucas 6:8

Topinan yonquiarapirinahuëꞌ, Quisosori ninorin. Napoaton apia itërin: —Huëꞌsahuaton huancánachin huaniquëꞌ, itërin. Napotohuachina, huanirahuaton, inaquë paꞌnin.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Juan 6:64

Nipirinhuëꞌ, aꞌnaquëmaꞌ co natëramacohuëꞌ, itërin. Iráca quëran huarëꞌ yaꞌipi piyapiꞌsaꞌ yonquirinsopita nitotërin. Aꞌnaquën co yanatëtopihuëꞌ. Aꞌnantaꞌ yashaꞌhuirapirin. Inapita nitotaton, napotërin.

Hechos 5:3

Co Pitrosoꞌ shaꞌhuitopirinhuëꞌ, Yosë nohuanton, nitotërin. Nitotaton, Ananiasë itërin: —¿Onpoatonta iyasha Sopai natëran? Ispirito Santo yanonpintaton patoma coriqui canaransoꞌ quëmaora marëꞌ taparan.

Hechos 8:22

Paꞌpi co noyahuëꞌ yonquiran. Catinaquë tonporëso pochin ninan niꞌton, co piꞌpian tërantaꞌ Yosë yanatëranhuëꞌ. Napoaton co noyahuëꞌ yonquiransopita naniantaton, Yosë nontëquëꞌ tapona oshanën yainquitápirinquënhuëꞌ, itërin.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.