Marcos 2:5 - Chayahuita (Shahui)

⁵ Quisosori niꞌsahuaton, “Ma noya isopita natërinaco,” taꞌton, apia itapon: —Oshanën apiaꞌhua inquitaranquën huachi, itërin.

Marcos 2:5 ပူးပေါင်းရင်းမြစ်များ

Génesis 22:12

Sinioro anquëninënisoꞌ, itapon: —Ama huiꞌnan tëpaquësohuëꞌ. Tëniponquën napotopiranquënhuëꞌ, iporasoꞌ nani nitotërahuë. Yaꞌipi cancanën quëran huarëꞌ imaranco tënahuë. Huiꞌnan aꞌnaíchin nipirinhuëꞌ, co apiratërancohuë niꞌton, nitotërahuë, itërin.

Salmos 103:3

Yaꞌipi co noyahuëꞌ ninahuësoꞌ inquitërinco. Yaꞌipi caniorahuësontaꞌ, anoyatërinco.

Isaías 53:11

Paꞌpi parisitërinso piquëran: “Tëhuënchachin yaꞌipi nanirahuë huachi,” tosarin. Ina nitotaton noya cancantarin. Sinioro piyapinënsoꞌ, noꞌtëquënáchin ninin. Inapoaton naꞌa piyapiꞌsa nichaꞌësarin. Co noyahuëꞌ nipiso marëꞌ parisitaton inapotarin.

Mateo 9:2

Inaquë catapini quëmapiꞌsari huëcatonaꞌ, apia quëpi. Pëꞌsaraꞌhuaya pochin nininquë quëpi. Huaꞌquiꞌ co nanitërinhuëꞌ huanicasoꞌ, quëhuënárin. “Ma noya isopita natërinaco,” taꞌton, Quisosori caniaꞌpi itërin: —¡Noya cancantëquëꞌ, apiaꞌhua! Apiramiáchin quëma oshanën inquitaranquën, itërin.

Mateo 9:22

Quisosori tahuërëtahuaton, sanapi quënanin. —Noya cancantëquëꞌ, imoya. Natëranco niꞌton, noyataran, itërin. Naporo chachin noyatërin. Huënaiꞌ noꞌnarin huachi.

Mateo 9:5

Canpitaso naporamaꞌ: “Piyapinpoa aꞌnapita oshanën inquitacasoꞌ, co nanitërëhuahuëꞌ. Apia camaiatëꞌ: ‘Huanirahuaton, noya paquë huachi,’ itacasontaꞌ co nanitaparëhuahuëꞌ,” tënamaꞌ.

Marcos 2:6

Aꞌnaquën cotio maistroꞌsaꞌ inaquë huënsëpisopitasoꞌ, cancanëna quëran yonquirápi:

Marcos 5:34

—Natëranco niꞌton, nani imoya, anoyatëranquën. Nani noyatëran niꞌton, noya paquë huachi, itërin.

Lucas 5:20

“Ma noya isopita natërinaco,” taꞌton, Quisosori apia itapon: —Oshanën apiaꞌhua inquitaranquën, itërin.

Lucas 8:48

—Natëranco niꞌton, nani imoya anoyatëranquën. Noya paquë huachi, itërin.

Juan 5:14

Ina quëran chinotopiso pëiquë paꞌsahuaton, apia anoyatërinsoꞌ quënancoantarin. —Niꞌquëꞌ iyasha. Nani quëmasoꞌ noyatëran. Ama huachi oshahuaantaquësohuëꞌ, naꞌcon naꞌcon maꞌsha onpotan, itërin.

Hechos 11:23

Inaquë canconahuaton, “Tëhuënchachin nisha piyapiꞌsantaꞌ imasapi. Yosëri naꞌcon catahuarin,” taꞌton, noya cancantërin. Pirnapisoꞌ noya quëmapi. Yosë noya natërin. Ispirito Santori noyá yaꞌcoancantërin niꞌton, piyapiꞌsaꞌ pënënin: “Ama Sinioro aꞌpocosohuëꞌ. Yaꞌipi cancanëma quëran huarëꞌ imamiatocoꞌ,” itërin. Pënënpachina, aꞌnapitantaꞌ Quisoso imapi.

Hechos 14:9

Paonori aꞌchintohuachina, nóya natanarin. Napohuachina, Paonori notëërin. “Iso quëmapi noya natëtërin. ‘Quisocristo nanitërin anoyatiincosoꞌ,’ tëninso marëꞌ anoyatarahuë,” tënin yonquinënquë.

Hechos 5:31

Inapotahuaton, inchinanën quëran acorin. Inasoꞌ huaꞌanënpoaꞌ niꞌton, natëcaso yaꞌhuërin. Nóya nicaton yaꞌipi israiroꞌsanpoaꞌ nichaꞌëinpoaso marëꞌ acorin. Co noyahuëꞌ yonquirëhuasopita naniantohuatëhuaꞌ, oshanënpoaꞌ inquitarinpoaꞌ.

1 Corintios 11:30

Napoaton naꞌanquëmaꞌ canioramaꞌ. Aꞌnaquëmantaꞌ co chiniramahuëꞌ. Aꞌnaquënsoꞌ ina marëꞌ chiminin.

2 Corintios 2:10

Nanan anoyatohuatamaꞌ, cantaꞌ nanan anoyatërahuë pochin cancantarahuë. Canpita yonquiatënquëmaꞌ, nanan anoyatërahuë. “Quisocristo nani tahuëri niꞌsarinpoaꞌ,” taꞌto, cancanëhuë quëran huarëꞌ nanan anoyatërahuë.

Efesios 2:8

Nosoroatonpoaꞌ, inaora nohuanton nichaꞌërinpoaꞌ. “Quisocristoíchin anoyacancantërinpoaꞌ,” topatëhuaꞌ, oshanënpoaꞌ inquitatonpoaꞌ, nichaꞌërinpoaꞌ. Co canpoara nanitërëhuahuëꞌ Yosë imacasoꞌ. Ina catahuarinpoaꞌ cancanënpoa quëran natëcasoꞌ.

Colosenses 3:13

Ama yaiꞌhuërëtocosohuëꞌ. Aꞌnapita noꞌhuihuachinquëmaꞌ, nanan anoyatocoꞌ. Maꞌsha onpotopirinquëmaontaꞌ, naniantocoꞌ. Sinioro oshanëmaꞌ nani inquitërinquëmaꞌ. Ina nonanatomaꞌ, canpitantaꞌ nanan anoyatocoꞌ.

Santiago 5:15

Yaꞌipi cancanëma quëran huarëꞌ natëcasoꞌ yaꞌhuërin. “Yaꞌipi Sinioro nanitaparan,” topachinaꞌ, anoyatarin. Oshahuanpachinaꞌ, inantaꞌ inquitarin.