Marcos 2:27 - Chayahuita (Shahui)

²⁷ —Piyapiꞌsaꞌ nosoroaton, chinoto tahuëri acorin noya yaꞌhuëcaiso marëꞌ. Co tahuëri chinotacasoꞌ naꞌcon naꞌcon yonquirinhuëꞌ. Piyapiꞌsaꞌ naꞌcon naꞌcon nosororin.

Marcos 2:27 ပူးပေါင်းရင်းမြစ်များ

Isaías 58:13

Sinioro naporin: “Sahuato tahuëri nanihuachin, noya nicaton chinotëquëꞌ. Chinotamacoso tahuëri niꞌton, ama canacaso marëꞌ sacatëquësohuëꞌ. ‘Ina tahuërisoꞌ, capa cancantacaso tahuëri,’ tëquëꞌ. Naporoꞌ Sinioro noya nicaton chinotëquëꞌ. Inasoꞌ noyasáchin niꞌton, chinotacaso yaꞌhuërin. Ama quëmaora yonquiransopita nicatonhuëꞌ, ina tahuëri noya niꞌquëꞌ. Noya nicaton, ama maꞌsona nohuantëransoꞌ niquësohuëꞌ. Co canacamaso marënta sacatacaso yaꞌhuërinhuëꞌ.

Marcos 2:28

Yosë quëran caso quëmapico niꞌto, chiníquën nanantërahuë. Maꞌsona noya nicacasoꞌ shaꞌhuichinquëmaꞌ. Chinoto tahuëri maꞌsona co nicacasontaꞌ shaꞌhuichinquëmaꞌ, itërin.

Lucas 6:9

Inaquë huanihuachina, Quisosori cotio maistroꞌsaꞌ, parisioroꞌsaꞌ, inapita itërin: —Chinoto tahuëri noya nicacasoꞌ yaꞌhuërin. Ahuëtacasoꞌ, tëpatacasoꞌ, co inapita nicacasoꞌ yaꞌhuërinhuëꞌ. Caniaꞌpi tananpitohuatosoꞌ, co nosoroarahuëꞌ. Napoaton anoyatacasoꞌ yaꞌhuërin, tënahuë casoꞌ. ¿Maꞌtaꞌ canpitasoꞌ tënamaꞌ? itërin Quisosori.

Juan 7:23

Chinoto tahuëri niponahuëꞌ, marca niacotëramaꞌ. Moisësë pënëntërinsoꞌ natëcaso marëꞌ naporamaꞌ. Inapoapomarahuëꞌ, ¿onpoatomataꞌ nipachin chinoto tahuëri piyapi anoyatërahuëso marëꞌ noꞌhuiramaco?

2 Corintios 4:15

Canpitantaꞌ imacamaso marëꞌ parisitërai. Inaora nohuanton, Yosë naꞌcon nosororincoi. Naꞌcon naꞌcon piyapiꞌsaꞌ ina nohuitohuachinaꞌ, noya cancantatonaꞌ, Yosë nontapi. “Ma noyanquëncha, Sinioro, paya. Nosoroatoncoi, nichaꞌësarancoi niꞌton, ‘Yosparinquën,’ Sinioro,” itapi.

Colosenses 2:16

Napoaton nisha pënënpachinënquëmaꞌ, ama natëcosohuëꞌ. “Nani maꞌsha caꞌpatëhuaꞌ, oꞌopatëhuaꞌ, oshahuanarëhuaꞌ,” topi aꞌnaquën. Nani sahuato tahuëri chinotopi. Nani yoquiaꞌhuaraiquë chinotopi. Nisha nisha niyontopiso tahuëriꞌsaꞌ naꞌhuëpi. “Co quiya pochin nipatamahuëꞌ, co noꞌtëquën imaramahuëꞌ,” itarinënquëmaꞌ. Nipirinhuëꞌ, ama inapitasoꞌ natëcosohuëꞌ.