Marcos 2:25 - Chayahuita (Shahui)

^25-26 —Yosë quiricanën ¿co nontëramahuëꞌ ti? Iráca Tapi tanahuachina, Yosë pëinënquë yaꞌconin. Apiataro corto huaꞌan niꞌsoꞌ yaꞌconahuaton, pan Yosë marëꞌ acopisoꞌ caꞌnin. Caꞌtaninsopitantaꞌ quëtërin, caꞌpi antaꞌ. Corto huaꞌanoꞌsáchin ina pan capacaso nipirinhuëꞌ, co ina marëꞌ Yosëri noꞌhuirinhuëꞌ, itërin. Ina quëran itantarin:

Marcos 2:25 ပူးပေါင်းရင်းမြစ်များ

Mateo 19:4

—¿Maꞌtaꞌ Yosë quiricanën quëran shaꞌhuitërinpoaꞌ? Iráca yaꞌnan piyapi nipon, catoíchin Yosëri ninin. Aꞌna quëmapi, aꞌna sanapi, inaíchin ninin.

Mateo 21:16

Noꞌhuitonaꞌ, Quisoso itopi: —Isopita napopisoꞌ ¿co natananhuëꞌ ti? itopi. —Natanahuë mini. Noꞌtëquën nonsapi. Yosë quiricanënquë naporin: “Quëma nohuanton, huaꞌhuaroꞌsaꞌ nóya nonapiarinënquën. Shoꞌshopiaꞌhuaroꞌsaꞌ niponaraihuëꞌ, ‘Ma noyanquëncha quëmaso paya,’ itarinënquën,” tënin, itërin Quisosori.

Mateo 21:42

—Iráca Yosë quiricanënquë ninshitërinsoꞌ ¿co nontëramahuëꞌ ti? Ninshitaton, naporin: “Naꞌpi quëran yapëihuachina, aꞌna naꞌpi quënanpirinahuëꞌ, pëinaꞌpiroꞌsaꞌ co nohuantopihuëꞌ. ‘Napoonin,’ taꞌtonaꞌ, tëꞌyatopirinahuëꞌ. Huaꞌanëni maantarahuaton, ‘Iso naꞌpi naꞌcon naꞌcon nohuantërahuë pëicaꞌhuaso marëꞌ,’ taꞌton, noya acoantarin. Yosëri chachin inapotërin. Napoaton ‘ma noya’ tënëhuaꞌ,” tënin quiricanënquë.

Mateo 22:31

Chiminpisopita tëhuënchachin nanpiantarapi. Moisësë nontohuachina, Yosëri chachin shaꞌhuitërin.

Mateo 4:2

Catapini shonca tahuëri tashirë chachin inaquë yaꞌhuaponahuëꞌ, co mantaꞌ caꞌninhuëꞌ. Ina piquëran tanarin huachi.

Marcos 12:20

Canchisë iyaroꞌsaꞌ yaꞌhuërin. Paninansoꞌ saꞌapirinhuëꞌ. Co huiꞌnin yaꞌhuëyátërasohuëꞌ, saꞌin ayananpirin.

Marcos 12:26

Chiminpisopita tëhuënchachin nanpiantarapi. ¿Coꞌna ina Moisësë ninshitërinquë nontëramahuëꞌ? Sarsa naraꞌhuaya orotarinsoꞌ nicasoꞌ, Yosëri nontërin. “Casoꞌ Yosëco. Apraan chinotarinco. Isaco, Cacopo, inapitantaꞌ chinotarinaco,” itërin Yosëri.

Marcos 2:24

Ina nicatona parisioroꞌsasoꞌ: —¡Niꞌquëꞌ, Maistro! Chinoto tahuëri nipirinhuëꞌ, caꞌtanoꞌsanënpita tricoraya iꞌshorayarapi. Co ipora tahuërisoꞌ piꞌpisha tërantaꞌ sacatacasohuëꞌ nipirinhuëꞌ. ¿Onpoatontaꞌ co Moisësë pënëntërinsoꞌ natëpihuëꞌ? itopi.

Lucas 10:26

—Iráca Yosë quiricanën quëran ninshitaton, pënëninpoaꞌ. ¿Maꞌtaꞌ tënin? itërin.