Marcos 2:24 - Chayahuita (Shahui)

²⁴ Ina nicatona parisioroꞌsasoꞌ: —¡Niꞌquëꞌ, Maistro! Chinoto tahuëri nipirinhuëꞌ, caꞌtanoꞌsanënpita tricoraya iꞌshorayarapi. Co ipora tahuërisoꞌ piꞌpisha tërantaꞌ sacatacasohuëꞌ nipirinhuëꞌ. ¿Onpoatontaꞌ co Moisësë pënëntërinsoꞌ natëpihuëꞌ? itopi.

Marcos 2:24 ပူးပေါင်းရင်းမြစ်များ

Éxodo 20:10

Tahuëririnquëso napoaponahuëꞌ, ca yonquiamacoso marëꞌ chinotaramaꞌ. Co naporoso sacataramahuëꞌ. Co huiꞌnamapita tëranta sacatarinhuëꞌ. Piyapinëmapita, pëꞌtahuanëmapita inapitanta co sacatacaiso yaꞌhuërinhuëꞌ. Co nisha piyapiroꞌsa tërantaꞌ, yacaparimasopita asacataramahuëꞌ.

Isaías 58:13

Sinioro naporin: “Sahuato tahuëri nanihuachin, noya nicaton chinotëquëꞌ. Chinotamacoso tahuëri niꞌton, ama canacaso marëꞌ sacatëquësohuëꞌ. ‘Ina tahuërisoꞌ, capa cancantacaso tahuëri,’ tëquëꞌ. Naporoꞌ Sinioro noya nicaton chinotëquëꞌ. Inasoꞌ noyasáchin niꞌton, chinotacaso yaꞌhuërin. Ama quëmaora yonquiransopita nicatonhuëꞌ, ina tahuëri noya niꞌquëꞌ. Noya nicaton, ama maꞌsona nohuantëransoꞌ niquësohuëꞌ. Co canacamaso marënta sacatacaso yaꞌhuërinhuëꞌ.

Mateo 12:2

Ina niꞌsahuatona parisioroꞌsasoꞌ: —¡Niꞌquëꞌ Maistro! Chinoto tahuëri nipirinhuëꞌ, caꞌtanoꞌsanënpita tricoraya iꞌshorayapi, co ipora tahuëri piꞌpisha tërantaꞌ sacatacaso yaꞌhuërinhuëꞌ. Co Moisësë pënëntërinsoꞌ natëpihuëꞌ, itopi.

Marcos 2:16

Aꞌnaquëontaꞌ cotio maistroꞌsaꞌ, parisioroꞌsaꞌ, inapitari niꞌsahuatonaꞌ, caꞌtanoꞌsanënpita natanpi: —¿Onpoatontaꞌ maistronëmaꞌ oshahuanoꞌsapitarëꞌ coshatarin? Copirno marëꞌ coriqui maꞌpatonaꞌpiroꞌsantaꞌ co noyahuëꞌ nipirinahuëꞌ, inapitarëꞌ coshatarin, itopi.

Marcos 2:25

—Yosë quiricanën ¿co nontëramahuëꞌ ti? Iráca Tapi tanahuachina, Yosë pëinënquë yaꞌconin. Apiataro corto huaꞌan niꞌsoꞌ yaꞌconahuaton, pan Yosë marëꞌ acopisoꞌ caꞌnin. Caꞌtaninsopitantaꞌ quëtërin, caꞌpi antaꞌ. Corto huaꞌanoꞌsáchin ina pan capacaso nipirinhuëꞌ, co ina marëꞌ Yosëri noꞌhuirinhuëꞌ, itërin. Ina quëran itantarin:

Marcos 2:7

“¿Ma quëmapitaꞌ isosoꞌ Yosë yayaꞌhuërëtërin? Co ínsontaꞌ nanitërinhuëꞌ oshanënpoaꞌ inquitinpoasoꞌ. Yosëíchin nanitërinsoꞌ,” topi yonquiatonaꞌ.

Hebreos 12:3

Isoroꞌpaquë yaꞌhuapon, oshahuanoꞌsari chiníquën noꞌhuipirinahuëꞌ, ahuantërin. Ina yonquiatëhuaꞌ, ama yaaꞌpoaꞌhuasohuëꞌ. Chiníquën cancantocoꞌ.