Marcos 2:2 - Chayahuita (Shahui)

² Natantahuatonaꞌ, notohuaroꞌ piyapiꞌsaꞌ niyontonpi. Pëiꞌ yaꞌsotahuatonaꞌ, yaꞌcoana aquëtëran huarëꞌ yamopi. Yosë nanamën shaꞌhuirarin, natanapi.

Marcos 2:2 ပူးပေါင်းရင်းမြစ်များ

Salmos 40:9

Notohuaroꞌ piyapinënpita niyontonpiquë, noya nicacaisoꞌ shaꞌhuitërahuë. Nani Sinioro shaꞌhuitërahuësoꞌ nitotëran. Co piyapiꞌsa canitërahuëꞌ.

Marcos 1:14

Ina quëran Coansha tashinan pëiquë poꞌmopi. Ina natantahuaton, Quisoso paꞌnin Cariria parti pënëntapon. Noya nanan Yosë noninsoꞌ shaꞌhuirarin:

Marcos 1:33

Yaꞌipi yaꞌhuëhuanoꞌsantaꞌ, ninanoꞌ yaꞌcoanaquë niyontonpi Quisoso nicacaiso marëꞌ.

Marcos 1:37

Quisoso quënanconahuatonaꞌ: —Notohuaroꞌ piyapiꞌsaꞌ yonisarinënquën, itopi. Itopirinahuëꞌ, Quisosori itërin:

Marcos 1:45

Napotopirinhuëꞌ, papon pochin yaꞌipi piyapi shaꞌhuitëraꞌpiarin. “Quisoso anoyatërinco,” itëraꞌpiarin. Yaꞌipi naporinsoꞌ nahuinin. Napoaton piyapiꞌsaꞌ niꞌtërantapaquë co huachi Quisoso iratërinhuëꞌ. Co huachi nanitërinhuëꞌ aꞌninquëchin ninanoroꞌsaquë pacacasoꞌ. Co piyapiꞌsaꞌ yaꞌhuërinquëhuëꞌ yaꞌhuërárin. Ina niponahuëꞌ, yaꞌipi parti quëran huëꞌpi nicaponaꞌ.

Marcos 2:1

Cara tahuëri quëran pochin Capinaomoquë huëantarin. “Pëinënquë Quisoso yaꞌhuarin,” topi.

Marcos 2:13

Naquëranchin panca sonoꞌ yonsanquë Quisoso paantarin. Inaquë huaꞌhuayátërahuë piyapiꞌsaꞌ huëꞌpachinara, aꞌchintarin.

Marcos 6:34

Naꞌa piyapiꞌsaꞌ yamorapi. Nonshirahuaton, Quisosori quënanconin. “Isopitasoꞌ ohuicaroꞌsaꞌ co macari aꞌpairinsohuë pochin nisapi,” taꞌton, nosororin. Nosoroaton, naꞌcon aꞌchintaantarin.

Lucas 12:1

Huaꞌhuayatërahuëꞌ piyapiꞌsaꞌ niyontonpi Quisoso natanacaiso marëꞌ. Naꞌa huaranca yamorapi niꞌton, niyaꞌquëtapi. Caꞌtanoꞌsanënpita aꞌchintaton, itapon: “Tëhuënchachin iyaroꞌsaꞌ, parisioroꞌsaꞌ yanonpinpi. Napoaton aꞌchinpisoꞌ, pan ahuëpocatërinso pochin niconaton aꞌnaroáchin piyapiꞌsaꞌ yanonpintopi. Niꞌcona nonpintochinënquëmaꞌ.

Lucas 5:17

Aꞌna tahuëri Quisoso aꞌchinasoꞌ, parisioroꞌsaꞌ, cotio maistroꞌsaꞌ, inapitantaꞌ inaquë chachin huënsëapi. Inapitaso nisha nisha ninano quëran huëꞌpi. Cariria parti quëran, Cotia parti quëran, Quirosarin quëran, ina quëranpita huëꞌpi. Nani aꞌchintohuachina, caniaꞌpiroꞌsaꞌ anoyatërin. Yosëri catahuarin niꞌton, naꞌa caniaꞌpiroꞌsaꞌ aꞌnaroáchin anoyatërin.

Lucas 8:1

Ina quëran nisha nisha ninanoquë Quisoso paꞌnin aꞌchinapon. Aꞌnaquën pancana, aꞌnaquën co pancanayahuëꞌ niponahuëꞌ, inaquëntaꞌ paaton, noya nanan aꞌchinarin. “Yosë yahuaꞌanëntërinquëmaꞌ,” itëraꞌpiarin. Shonca catoꞌ caꞌtanoꞌsanënpitari imasapi.

Lucas 8:11

Ina quëran itaantarin: “Achin naporahuësoꞌ iyaroꞌsaꞌ, aꞌchintantaꞌinquëmaꞌ nitotocoꞌ. Yosë nanamën aꞌchinpatëhuaꞌ, tricoraya paꞌsarayapiso pochin ninëhuaꞌ.

Hechos 11:19

Iꞌhua chachin Istipan tëpahuachinara, Quisoso imapisopita aparisitopi niꞌton, aquë yanquëëpi. Aꞌnaquën Pinisia parti paꞌpi. Aꞌnaquëontaꞌ Chipriquë paꞌpi. Aꞌnapitantaꞌ Antioquiaquëꞌpaꞌ paꞌpi. Nisha nisha parti paatonaꞌ, Quisoso nanamën shaꞌhuipi. Shaꞌhuiponaraihuëꞌ, cotioroꞌsaráchin shaꞌhuitopi.

Hechos 14:25

Piriquiquë Yosë nanamën shaꞌhuiantarahuatonaꞌ, Atariaquë paꞌpi huachi.

Hechos 16:6

Asia parti Yosë nanamën yashaꞌhuipirinahuëꞌ, Ispirito Santo co nohuantërinhuëꞌ inaquë aꞌchinacaisoꞌ. Napoaton Piriquia parti, Carasia parti inapita naꞌhuëtopi.

Hechos 8:25

Ina quëran Pitro Coansharë chachin piyapiꞌsaꞌ aꞌchintantapi. Quisocristo naporinsoꞌ anitotapi. Yaꞌipi Yosë nanamën shaꞌhuitantapi. Nani shaꞌhuitohuachinara, yaꞌhuëpiꞌpaꞌ yapaantapi. Samaria parti paatonaꞌ, aꞌnaya aꞌnaya ninanoroꞌsaquë noya nanan shaꞌhuitëraꞌpiapi. Inaporatonaꞌ, Quirosarinquë cancoantapi.

Romanos 10:8

¿Maꞌtaꞌ quiricanën quëran anitotërinpoaꞌ? “Ina nanansoꞌ, co sacaihuëꞌ nitotacasoꞌ. Nanamënpoa quëran shaꞌhuicaso yaꞌhuërin. Cancanënpoa quërantaꞌ, natëcaso yaꞌhuërin,” itërinpoaꞌ. Inasáchin natëcoꞌ, itëranquëmaꞌ cantaꞌ.

2 Timoteo 4:2

Nanamën aꞌchináquëꞌ. Piyapiꞌsaꞌ yanatanpachinaꞌ, aꞌchintëquëꞌ. Sacaiꞌ aꞌchinacaso nipirinhuëꞌ, onpopiontaꞌ aꞌchináquëꞌ. Aꞌnaquënsoꞌ co yaimapachinahuëꞌ, noꞌtëquën shaꞌhuitëquëꞌ natëinaꞌ. Co noyahuëꞌ nipachinaꞌ, pënënquëꞌ. Noya nontëquëꞌ chiníquën cancantatonaꞌ, imainaꞌ. Yaꞌipi piyapiꞌsaꞌ aꞌchintëquëꞌ noya nicacaiso marëꞌ. Nipirinhuëꞌ, ama noꞌhuiquësohuëꞌ. Sanoanan quëran pënënquëꞌ.