Marcos 2:17 - Chayahuita (Shahui)

¹⁷ Natanahuaton, Quisosori itapon: —Isopitasoꞌ tëhuënchachin nohuantërinaco imainacosoꞌ. Niꞌcoꞌ. Caniaꞌpiroꞌsasoꞌ notoro nohuantopi. “Co caniorahuëꞌ,” topatërasoꞌ, co notoro nohuantërëhuëꞌ. Inapochachin cantaꞌ oshahuanoꞌsaꞌ pënënaꞌhuaso marëꞌ oꞌmarahuë. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ,” itërahuë. Aꞌnapitaso nipirinhuëꞌ: “Quiyasoꞌ noyacoi,” topiso marëꞌ co naꞌcon aꞌchintërahuëꞌ, itërin.

Marcos 2:17 ပူးပေါင်းရင်းမြစ်များ

Isaías 1:18

Huëco paꞌahua nonatëhua anoyatahuaꞌ. Quëhuanën quëran aꞌshitërëso pochin naꞌcon oshahuanpiramahuëꞌ, inquitaranquëmaꞌ. Ina inquitatënquëmaꞌ, ocai, piꞌshiro, inapita huiritërinso pochin, anoyacancantaranquëmaꞌ.

Isaías 55:7

Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Lucas 15:10

Inapochachin aꞌna piyapi tërantaꞌ co noyahuëꞌ yonquirinsopita naniantohuachin, anquëniroꞌsantaꞌ noya cancantapi,” itërin.

Lucas 15:29

‘Inca tata. Naꞌa piꞌipi quëma marëꞌ chiníquën sacatërahuë. Shaꞌhuitohuatancora, yaꞌipiya natëranquën. Napoaponahuëꞌ, co casoꞌ chipo tërantaꞌ quëtërancohuëꞌ amiconëhuëpita amatahuato capa cancantaꞌhuaiso marëꞌ.

Lucas 15:7

Inapochachin Yosë niꞌninpoaꞌ. Noya piyapi yaꞌhuëhuachin, Yosëri noya niꞌsarin. Nipirinhuëꞌ, oshahuanoꞌsantaꞌ nosororin. Aꞌnaya tërantaꞌ co noyahuëꞌ yonquirinsoꞌ naniantohuachin, Yosë yaꞌhuërinquëntaꞌ capa cancantomiatapi,” itërin Quisosori.

Lucas 16:15

Tëhuapirinahuëꞌ, Quisosori itërin: “Canpitasoꞌ Yosë imaramaso pochin nipomarahuëꞌ, co tëhuënchachin imaramahuëꞌ. Nonpinamaꞌ. Yonquiramaso chachin Yosë nitotërin. Piyapiꞌsaꞌ noya niꞌpirinënquëmahuëꞌ. Cancanëma quëranso yanonpinamaꞌ niꞌton, Yosë co piꞌpian tërantaꞌ noya niꞌsarinquëmahuëꞌ,” itërin.

Lucas 19:10

Naꞌa piyapiꞌsaꞌ co Yosë natëtonahuëꞌ, chihuëpi pochin nipi. Inapita yonicaꞌhuaso marëꞌ oꞌmarahuë. Cancanënaꞌ anoyacancantaꞌhuaso marëꞌ oꞌmarahuë, tënin Quisoso.

Juan 9:34

—Quëmasoꞌ huaꞌhuatapon quëran huarëꞌ oshahuanaponahuëꞌ, ¿yaaꞌchintërancoi ti? itopi. Ina quëran ocoirahuatonaꞌ, aꞌpapi huachi.

Juan 9:40

Aꞌnaquën parisioroꞌsaꞌ inaquë huanirahuatonaꞌ, Quisoso natanapi. —¿Napoahuarë quiyanta somarayacoi? itopi.

Hechos 20:21

Co cotioroꞌsaráchin pënënahuëꞌ. Cricoroꞌsantaꞌ pënënahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ. Sinioro Quisoso natëco huachi. Inasáchin anoyacancantërinpoasoꞌ,’ itëranquëmaꞌ. Yaꞌipinquëmaꞌ aꞌchintëranquëmaꞌ.

Hechos 26:20

Tamascoquë yaꞌhuëpisoꞌton shaꞌhuitërahuë. Ina quëran Quirosarinquëntaꞌ shaꞌhuiantarahuë. Yaꞌipi Cotia partintaꞌ inachachin shaꞌhuiantarahuë. Nisha piyapiꞌsantaꞌ aꞌchintërahuë. ‘Co noyahuëꞌ yonquiramasopita naniantatomaꞌ, Yosë chachin tahuërëtaantacoꞌ. Tëhuënchachin imapatamaꞌ, noya nisaramaꞌ,’ itërahuë.

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.