Marcos 2:14 - Chayahuita (Shahui)

¹⁴ Ina quëran naꞌhuëpon pochin, Nihui quënanconin. Arpio huiꞌnin inasoꞌ. (Matio itopi antaꞌ.) Coriqui Noma copirno marëꞌ maꞌpatërinquë huënsëarin. Quisosori itapon: —Huëquëꞌ iyasha imaco, itërin. Itohuachina, huanirahuaton Quisoso imasarin huachi.

Marcos 2:14 ပူးပေါင်းရင်းမြစ်များ

Mateo 8:22

Quisosori itërin: —Aꞌnaquën co nohuantopihuëꞌ imainacosoꞌ. Chimipi pochin cancantopi. Inapitari paꞌpichinaꞌ. Quëmaso nipirinhuëꞌ ca naꞌcon naꞌcon yonquiatonco, imaco, itërin.

Marcos 2:15

Ina quëran pëinënquë Quisoso quëparin coshatacaso marëꞌ. Caꞌtanoꞌsanënpitarëꞌ coshatapatapi. Naꞌa piyapiꞌsaꞌ huëꞌpi coshatatonaꞌ Quisoso nohuitacaiso marëꞌ. Aꞌnaquën copirno marëꞌ coriqui maꞌpatonaꞌpiroꞌsaꞌ. Aꞌnapitantaꞌ oshahuanoꞌsaꞌ itopisoꞌ. Inahuantaꞌ Quisoso yaimápi.

Marcos 3:18

Antërisë, Pinipi, Partoromi, Matio, Tomasë, Tatio, inapitantaꞌ acorin. Aꞌnantaꞌ Santiaco itopi. Arpio huiꞌnin inasoꞌ. Aꞌna Simontaꞌ acorin. Iráca copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi.

Lucas 6:15

Matio, Tomasë, inapitantaꞌ acorin. Aꞌna Santiacontaꞌ acorin. Arpio huiꞌnin inasoꞌ. Aꞌnantaꞌ Simon itopi. Inasoꞌ copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi.

Hechos 1:13

Canconahuatonaꞌ, aꞌna pëiquë paꞌpi. Inapa pëꞌsatëꞌ pëiꞌ niꞌton, nanpëpi. Inaquë naporoꞌ yacapatapi. Pitro, Coansha, Santiaco, Antërisë, Pinipi, Tomasë, Partoromi, Matio, inapita yaꞌhuërapi. Aꞌnantaꞌ Santiaco. Arpio huiꞌnin inasoꞌ. Aꞌna Simontaꞌ yaꞌhuërin. Inasoꞌ copirno noꞌhuinaꞌpiroꞌsaꞌ imapirinhuëꞌ, inantaꞌ Quisoso imarin. Aꞌna Cotasëntaꞌ yaꞌhuërin. Santiaco huiꞌnin inasoꞌ.