Marcos 2:1 - Chayahuita (Shahui)

¹ Cara tahuëri quëran pochin Capinaomoquë huëantarin. “Pëinënquë Quisoso yaꞌhuarin,” topi.

Marcos 2:1 ပူးပေါင်းရင်းမြစ်များ

Mateo 4:13

Inatohuaꞌ pacaponahuëꞌ, co huachi Nasaritoquë yaꞌhuërinhuëꞌ. Sonoꞌ yonsanquë paaton, Capinaomoquë yacapatonin. Saporonoroꞌsaꞌ, nipitariroꞌsaꞌ, inapita iráca yaꞌhuëpiquë yacapatonin.

Mateo 9:1

Napotohuachinara, potiquë yaꞌcoantarahuatonaꞌ, aquëtëran pëntoantapi. Quisoso ninanonënquë chachin paantapi.

Marcos 1:45

Napotopirinhuëꞌ, papon pochin yaꞌipi piyapi shaꞌhuitëraꞌpiarin. “Quisoso anoyatërinco,” itëraꞌpiarin. Yaꞌipi naporinsoꞌ nahuinin. Napoaton piyapiꞌsaꞌ niꞌtërantapaquë co huachi Quisoso iratërinhuëꞌ. Co huachi nanitërinhuëꞌ aꞌninquëchin ninanoroꞌsaquë pacacasoꞌ. Co piyapiꞌsaꞌ yaꞌhuërinquëhuëꞌ yaꞌhuërárin. Ina niponahuëꞌ, yaꞌipi parti quëran huëꞌpi nicaponaꞌ.

Marcos 2:2

Natantahuatonaꞌ, notohuaroꞌ piyapiꞌsaꞌ niyontonpi. Pëiꞌ yaꞌsotahuatonaꞌ, yaꞌcoana aquëtëran huarëꞌ yamopi. Yosë nanamën shaꞌhuirarin, natanapi.

Marcos 3:20

Ina quëran aꞌna pëiquë paꞌpi. Naquëranchin notohuaroꞌ piyapiꞌsari huëcapaiantapi niꞌton, co nanitopihuëꞌ capacaiso tërantaꞌ.

Marcos 7:17

Nani aꞌchintohuachina, piyapiꞌsaꞌ patahuaton, pëiquë yaꞌconconin. Caꞌtanoꞌsanënpitantaꞌ yaꞌconpi. Nani yaꞌconpachinara: “Achin naporansoꞌ co nitotëraihuëꞌ. ¿Maꞌtaꞌ tapon naporan?” itopi.

Marcos 7:24

Ina quëran pipirahuaton, nisha piyapiꞌsaꞌ yaꞌhuëpiquë paꞌnin. Tiro, Siton, inapita yaꞌcariya paaton, aꞌna pëiquë yaꞌconconin. “Ama isëquë huëꞌnahuësoꞌ aꞌnapita shaꞌhuitocosohuëꞌ,” itopirinhuëꞌ, aꞌnaroáchin yaꞌipi nahuinin.

Marcos 9:28

Ina quëran Quisososoꞌ caꞌtanoꞌsanënpitarëachin pëiquë yaꞌconconpi. —¿Onpoatontaꞌ Maistro quiyarisoꞌ co nanitëraihuëꞌ inquitaꞌhuaisoꞌ? itopi.

Lucas 4:23

Ina quëran Quisosori itaantarin: —Iráca quëran huarëꞌ napopi: “Nitoanoyatohuatan, quëmaꞌton nianoyatëquëꞌ niꞌii,” topi. Ina pochin canpitantaꞌ yonquiramaꞌ tënahuë. “Capinaomoquë naꞌa caniaꞌpiroꞌsaꞌ aꞌnaroáchin anoyatëran niꞌquëhuarëꞌ, isëquëntaꞌ anoyatëquëꞌ niꞌii,” itaramaco, tënin.

Lucas 5:18

Ina quëran catapini quëmapiꞌsa huëcatonaꞌ, apia pëꞌsaraꞌhuaya pochin nininquë quëpi. Huaꞌquiꞌ co nanitërinhuëꞌ huanicasoꞌ, quëhuëánin. Quisoso yaꞌhuëarinquë yapoꞌmopirinahuëꞌ.

Juan 4:47

“Quisoso Cotia parti quëran pipirahuaton, Cariria parti canquirin,” topi, natantërin. Natantahuaton, paahuarin: —Huëquëꞌ Maistro huiꞌnahuë anoyatiimaco. Nani yachiminin, itërin.

Hechos 2:6

Quisoso imapisopita nisha nisha nananquë nonsapisoꞌ natanpi. Natanahuatonaꞌ, notohuaroꞌ piyapi niyontonpi. Aꞌnaya aꞌnaya inahuara nananquë nonpisoꞌ natanahuatonaꞌ, paꞌyanpi.