Marcos 16:11 - Chayahuita (Shahui)

¹¹ “¡Quisoso nani nanpiantarin! Cari niꞌnahuë,” itopirinhuëꞌ, co natëpihuëꞌ.

Marcos 16:11 ပူးပေါင်းရင်းမြစ်များ

Éxodo 6:9

Yaꞌipi Yosëri shaꞌhuitërinsoꞌ Moisësëri israiroꞌsa shaꞌhuitërin. Inahuaso nipirinhuëꞌ, co napion ancantápatonaꞌ, co yanatëpihuëꞌ.

Mateo 28:17

Inaquë Quisoso quënanconahuatonaꞌ, chinotopi. Aꞌnaquënso nipirinhuëꞌ piꞌpian co natërinhuëꞌ. “Co inahuëꞌ nimara,” topirinahuëꞌ.

Marcos 9:19

—¡Maꞌhuantacha ninama paya! Canpitasoꞌ co Yosë natëramahuëꞌ. Co natantochináchinhuëꞌ cancantëramaꞌ. Nani huaꞌquiꞌ aꞌchintopiranquëmahuëꞌ, ¿onporo huarëtaꞌ yanatëramaco? Huaꞌhuasha quëshico, itërin Quisosori.

Lucas 24:11

“Inahuara yonquinëna quëran napoapi,” toconpi.

Lucas 24:41

Ina niꞌsahuatonaꞌ paꞌpi paꞌyataponaraihuëꞌ, co yaꞌipi cancanëna quëran natëyátërapihuëꞌ. “¿Tëhuënchachin nanpiantarin ti?” topi yonquiatonaꞌ. —¿Yaꞌhuarin capacasoꞌ? itërin Quisosori.

Juan 20:25

Quisoso quënanahuatoi, Tomasë shaꞌhuitonai: —Sinioro niꞌnai, itopiraihuëꞌ, co yanatërincoihuëꞌ. —Imirin ohuantopisoꞌ nicato sëꞌhuata huarëꞌ, nininpitëontaꞌ ohuantopisoꞌ sëꞌhuata huarëꞌ, natëarahuëꞌ, itërincoi Tomasë.