Marcos 16:1 - Chayahuita (Shahui)

¹ Chinoto tahuëri piquëran Maria Mactarina, Saroma, aꞌna Maria (Santiaco aꞌshin nininsoꞌ), inapita huaꞌsaiꞌ paꞌanpi Quisoso nonën pashitonacaiso marëꞌ.

Marcos 16:1 ပူးပေါင်းရင်းမြစ်များ

Génesis 50:2

Ina quëran notoronënpita camairin paꞌpincoꞌ nonën tapacaisoꞌ. Camaihuachina, ama chanatacaso marëhuëꞌ taparapi. Paꞌpincosoꞌ, Cacopo itahuatonaꞌ, Israiro itopi antaꞌ.

Marcos 14:3

Quisososoꞌ Pitaniaquë paꞌnin. Simon pëinënquë coshatapatarin. Inasoꞌ chana caniori mapirinhuëꞌ, anoyatërinsoꞌ. Misaquë coshatasoiꞌ, aꞌnara sanapi huëꞌnin. Potiriaꞌhuaya nishanaꞌpi quëran nipisoꞌ quënin. Inaquë pimo huaꞌsaiꞌ naꞌcon paꞌtërinsoꞌ yaꞌhuërin. Potiriaꞌhuaya oparahuaton, Quisoso motënquë huaꞌsaiꞌ opomototërin.

Marcos 14:8

Iso sanapisoꞌ cancanën quëran noya yonquiaton, inapotërinco. Coꞌhuara chimiyantërasocohuëꞌ, nosoroatonco, nonëhuë huaꞌsaiquë opotërinco paꞌpitinacoso marëꞌ.

Marcos 15:40

Sanapiꞌsantaꞌ aquë quëran notëërapi. Aꞌnaraꞌ Maria Mactarina, aꞌnasoꞌ Saroma, aꞌnantaꞌ Maria. Inasoꞌ Cosi, Santiaco, inapita aꞌshinaꞌ. Santiacosoꞌ huaꞌhua nimarinsoꞌ.

Marcos 15:42

Ina tashiraya chinoto tahuëri niꞌton, cotioroꞌsaꞌ tapatapi chinotacaiso marëꞌ.

Marcos 15:47

Maria Mactarina, aꞌna Maria (Cosi aꞌshin nininsoꞌ), inapitari niꞌsapi. Insëquësona Quisoso acopisoꞌ niꞌpi.

Marcos 16:2

Tomio tahuëri tashiramiachin piꞌi nëhuëcharirahuasoꞌ, naꞌpi naninꞌpaꞌ paꞌsapi.

Marcos 16:8

Pipirahuatonaꞌ, naꞌpi nanin quëran taꞌapi. Paꞌpi paꞌyanahuatonaꞌ, ropa ropátërapi. Co mantaꞌ topihuëꞌ. Paꞌyanatonaꞌ, co piyapiꞌsaꞌ shaꞌhuitopihuëꞌ. [

Lucas 23:54

Ina tashiraya chinoto tahuëri niꞌton, cotioroꞌsaꞌ tapatapi chinotacaiso marëꞌ. Napoaton piꞌi yayaꞌconahuasoꞌ, manorahuatona poꞌmopi.

Lucas 23:56

Nani niꞌpachinara, yaꞌhuëpiꞌpaꞌ paantapi. Inaquë noꞌmorain pimóton nininsoꞌ tapapi. Pimo huaꞌsaintaꞌ tapapi Quisoso nonën pashitacaiso marëꞌ. Chinoto tahuëri nanihuachina, chinotopi. Moisësë shaꞌhuirinso chachin chinotopi.

Lucas 24:1

Tomio tahuëri nanihuachina, tashíramiachin sanapiꞌsaꞌ paꞌpi. Pimo huaꞌsaiꞌ, noꞌmorain pimóton nininsoꞌ inapita quëpatonaꞌ, naꞌpi naninquë paꞌpi.

Juan 19:25

Corosë yaꞌcari catapini sanapiꞌsaꞌ huaniapi. Aꞌnasoꞌ Quisoso aꞌshin. Aꞌnantaꞌ aꞌshatën. Criopasë saꞌin Maria itopisontaꞌ inaquë huaniarin. Aꞌnantaꞌ Maria Mactarina. Inapitari niꞌsapi.

Juan 19:31

Ina tashiraya chinoto tahuëri niꞌton, cotioroꞌsaꞌ co nohuantopihuëꞌ inaquëranchin patanantopisopita patacaisoꞌ. Pascoa tahuëri chachin inasoꞌ niꞌton, noya noya niꞌpi. Napoaton Pirato paahuantapi. “Sontaroꞌsaꞌ shaꞌhuitëquëꞌ tonainaꞌ nipanchinaꞌ aꞌnaroáchin chiminacaiso marëꞌ. Chiminpachinaꞌ, quëparahuatonaꞌ, paꞌpichinaꞌ,” itopi huaꞌanoꞌsari.