Marcos 15:46 - Chayahuita (Shahui)

⁴⁶ Morin nani paꞌanin niꞌton, corosë quëran nonën anohuarahuatonaꞌ, quëpapi. Soꞌpinahuatonaꞌ, naꞌpi naninquë poꞌmopi. Ina quëran pancaraꞌpi masho piꞌnapirahuatonaꞌ, paꞌcopitopi.

Marcos 15:46 ပူးပေါင်းရင်းမြစ်များ

Isaías 53:9

Co onporonta nonpininhuëꞌ, co onporonta tëpatërinhuëꞌ, napoaponahuëꞌ, co noyahuëꞌ piyapiroꞌsa pirayan paꞌpitapi.

Mateo 28:2

Aꞌnanaya panca ocohua paꞌnin. Sinioro anquëninëni inápa quëran oꞌmarahuaton, pancaraꞌpi paꞌcopitopisoꞌ chiꞌhuincarin. Chiꞌhuincarahuaton, ina aipi huënsërin.

Marcos 15:45

“Nani mini chiminin,” itërin capitani. Napotohuachina, Cosi itapon: “Nonën quëpaquëꞌ nipachin,” itërin.

Marcos 15:47

Maria Mactarina, aꞌna Maria (Cosi aꞌshin nininsoꞌ), inapitari niꞌsapi. Insëquësona Quisoso acopisoꞌ niꞌpi.

Lucas 23:53

Ina natanahuaton, paꞌnin. Corosë quëran nonën anohuararahuatonaꞌ, morinquë soꞌquëëtopi. Soꞌquëëtahuatonaꞌ, naꞌpi naninquë poꞌmopi. Inaquë co insontaꞌ chimipi poꞌmoyatërarinhuëꞌ. Inaquë nonën poꞌmopi.

Juan 11:38

Quisoso sëtaton, naꞌpi naninquë Nasaro poꞌmopiquë paꞌnin. Pancaraꞌpiquë nani paꞌcopitopi.

Juan 11:41

Ina quëran naꞌpi chiꞌhuincatopi. Quisoso inápaquë nëꞌpëtahuaton, Yosë nontërin: —Nani Tata nontëranquën catahuancoso marëꞌ. Natanatonco, catahuaranco mini. Ina marëꞌ “Yosparinquën,” itëranquën.

Juan 20:1

Tomio tahuëri nipachina, tashiyachin Maria Mactarina paꞌnin Quisoso poꞌmopiquë nicapon. Co noya tahuëriyátërasohuëꞌ, canconin. Canconahuaton niꞌpirinhuëꞌ, naꞌpi paꞌcopitopisoꞌ chiꞌhuincapinan quënanconin.