Marcos 15:32 - Chayahuita (Shahui)

³² “Casoꞌ Cristoco, israiroꞌsaꞌ copirnoco,” toconin. Inta nipachin, corosë quëran nohuarain nicatëhuaꞌ natëahuaꞌ, nitopi. Ina pirayan patanantopisopitantaꞌ Quisoso noꞌhuipi.

Marcos 15:32 ပူးပေါင်းရင်းမြစ်များ

Isaías 44:6

Siniorosoꞌ yaꞌipi nanitaparin. Inasoꞌ, israiroꞌsa nichaꞌësahuaton huaꞌanëntërin. Ina nontatënquëma naporin: “Coꞌhuara isoroꞌpaꞌ yaꞌhuëyátërasohuëꞌ, caꞌton yaꞌhuërahuë. Nani maꞌsha yaꞌhuërinsopita taꞌhuantopiriontaꞌ, caso yaꞌhuëápo. Casáchin Yosëco.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 1:17

Nani Quisocristo shimashonënpita shaꞌhuitëranquëmaꞌ. Apraan quëran Tapi copirno yaꞌconaquë huarëꞌ shonca catapini shimashonënpita yaꞌhuëtërin. Ina quëran Papironiaquë quëpai huarëꞌ shonca catapini shimashonënpita ninshitantaranquëmaꞌ. Ina quëran Quisocristo nasitaquë huarëꞌ, shonca catapini chachin shimashonënpita ninshitantaranquëma huachi.

Mateo 27:42

—Aꞌnapitasoꞌ yanichaꞌëponahuëꞌ, inaora chachinsoꞌ co nanitërinhuëꞌ chaꞌëcasoꞌ. Israiroꞌsaꞌ copirno nipachin, corosë quëran nohuarain nicatëhuaꞌ natëahuaꞌ.

Mateo 27:44

Ina pirayan patanantopisopitantaꞌ Quisoso noꞌhuipi.

Marcos 15:26

Onporinso marësona tëparapisoꞌ nani ninshitopi. isosoꞌ cotioroꞌsaꞌ copirno taꞌcaso ninshitopi. Motën pëtëcha achinpitopi.

Marcos 15:27

Quisoso pirayan catoꞌ apiroꞌsantaꞌ patanantopi. Aꞌnaraꞌ inchinan quëran, aꞌnantaꞌ ahuënan quëran acopi. [

Juan 1:49

—Quëmasoꞌ Maistro, Yosë huiꞌninquën. Israiroꞌsaꞌ copirnonquën, tënahuë, itërin.

Juan 12:13

mërëmë pochin nininsoꞌ mapi. Ina quëran nacapiaponaꞌ paꞌsapi. Paꞌyatatonaꞌ, chiníquën itaponaꞌ: —¡Nichaꞌëcoi Tata Yosë! ¡Ma noyacha Quisososo paya! ¡Quëmari chachin chiníquën nanan quëtëran! ¡Quëma nohuanton, israiroꞌsacoi huaꞌanëntarincoi! tosapi.

Romanos 3:3

Aꞌnaquënsoꞌ co huachi ina natëpihuëꞌ. Ina niponahuëꞌ, co nanitërëhuëꞌ: “Yosësoꞌ co noꞌtëquën shaꞌhuitërinhuëꞌ,” taꞌcasoꞌ.

2 Timoteo 2:18

Yosë noꞌtëquën aꞌchintopirinpoahuëꞌ, co huachi natëpihuëꞌ. “Yosë nani piyapiꞌsaꞌ ananpitatë pochin nitërin. Co huachi aꞌna tahuëri ananpitaantarinpoahuëꞌ,” toconpi. Napopi niꞌton, co huachi aꞌnaquën imapihuëꞌ.