Marcos 15:16 - Chayahuita (Shahui)

¹⁶ Ina quëran sontaroꞌsari Pirato pëinënquë quëpapi. Pairaanaquë ichiyaꞌconahuatonaꞌ, yaꞌipi sontaroꞌsaꞌ amatopi.

Marcos 15:16 ပူးပေါင်းရင်းမြစ်များ

Mateo 26:3

Ina quëran corto huaꞌanoꞌsaꞌ, cotio ansianoꞌsaꞌ, inapita Caihuasë pëinënquë niyontonpi. Inasoꞌ corto huaꞌan, chini chiníquën nanantërin.

Marcos 15:17

Nani niyontonpachinara, quëhuanën miachin huaꞌan aꞌmorinso pochin aꞌmotopi tëhuacaiso marëꞌ. Yancotëntaꞌ nahuan quëran nicatonaꞌ, ayancotopi:

Juan 18:28

Tashíramiachin nisahuasoꞌ, Caihuasë pëinën quëran quëparahuatonaꞌ, Noma huaꞌan pëinënquë quëpapi. Cotioroꞌsaso nipirinhuëꞌ co inaquë yaꞌconpihuëꞌ. “Nisha piyapiꞌsaꞌ pëinënquë yaꞌconpatëhuaꞌ, oshahuanarihuaꞌ. Ina quëran co nanitarihuahuëꞌ Pascoa cosharoꞌ capacasoꞌ,” topi.

Juan 18:33

Ina quëran Piratori pëiquë yaꞌcoantarahuaton, Quisoso itapon: —¿Quëmasoꞌ cotio copirnonquën ti? itërin.

Juan 19:2

Nahuan quëran yancotëꞌ nicatonaꞌ, ayancotopi. Nahuan niꞌton, ohuanin. Naporahuaton, quëhuanën miáchin huaꞌan aꞌmorinso pochin aꞌmotopi tëhuacaiso marëꞌ.

Juan 19:9

Yaꞌcoantarahuaton, Quisoso itapon: —¿Intohua quërantaꞌ huëꞌnan? Noꞌtëquën shaꞌhuitoco, itërin. Inariso nipirinhuëꞌ, co mantaꞌ itërinhuëꞌ.

Hechos 10:1

Sisariaquë aꞌna quëmapi yaꞌhuërin. Cornirio itopisoꞌ. Inasoꞌ capitan. “Itariaroꞌsaꞌ” itopiso sontaro huënton camairin.