Marcos 15:14 - Chayahuita (Shahui)

¹⁴ —¿Maꞌmarëtaꞌ tëpaꞌi? ¿Maꞌtaꞌ onporinsoꞌ? itopirinhuëꞌ, aquëtë chachin chiníquën itaantapi: —¡Corosëquë patanantëquëꞌ chimiin! itaantapi.

Marcos 15:14 ပူးပေါင်းရင်းမြစ်များ

Salmos 69:4

Ainëhuë huaꞌhuayátërahuë nipirinhuëꞌ, ina quëran naꞌcon naꞌcon inimicotërinacosopita naꞌarin. Co manta onpotopirahuëꞌ, noꞌhuirinaco. Inimicoroꞌsa naꞌatonaꞌ, topinan quëran yatëparinaco. Co manta ihuatopirahuëꞌ, ayanaꞌhuaso camaiárinaco.

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Isaías 53:9

Co onporonta nonpininhuëꞌ, co onporonta tëpatërinhuëꞌ, napoaponahuëꞌ, co noyahuëꞌ piyapiroꞌsa pirayan paꞌpitapi.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Marcos 15:13

—¡Corosëquë patanantëquëꞌ chimiin! itapi chiníquën nontatonaꞌ.

Marcos 15:15

Ina natanahuaton, ama piyapiꞌsari noꞌhuicaiso marëhuëꞌ Parapasë ocoitërin. Quisososo nipirinhuëꞌ, chiníquën ahuihuitërin. Chiníquën huihuitonaꞌ, pëꞌsha pëꞌshatopi. Ina quëran shaꞌhuitërin corosëquë patanantacaiso marëꞌ.

Lucas 23:21

Naquëranchin chiníquën nontaantapi. —¡Corosëquë patanantëquëꞌ chimiꞌin! ¡Inaquë patanantëquëꞌ chimiꞌin! itaantapi.

Lucas 23:4

Nonapipisoꞌ natanahuaton, yaꞌipi cotio ansianoꞌsaꞌ, corto huaꞌanoꞌsaꞌ inapita itapon: —Iso quëmapisoꞌ noya, tënahuë. Co mantaꞌ onporinhuëꞌ. Co anaꞌintacasoꞌ yaꞌhuërinhuëꞌ, itopirinhuëꞌ,

Lucas 23:41

Canposoꞌ co noyahuëꞌ ninëꞌ. Napoaton noꞌtëquën coisë anaꞌintarinpoꞌ. Iso quëmapiso nipirinhuëꞌ nóya. Co mantaꞌ onporinhuëꞌ, itërin.

Lucas 23:47

Capitansoꞌ ina niꞌsahuaton, Yosë chinotërin: —Tëhuënchachin iso quëmapi co mantaꞌ onporinhuëꞌ, tënin.

Juan 18:38

—¿Ma noꞌtën nanancha napotëran nicaya? itërin Piratori. Ina tosahuaton, pipiantarahuaton, cotioroꞌsaꞌ itantarin: —Iso quëmapi noya, tënahuë. Co mantaꞌ onporinhuëꞌ. Co anaꞌintacasoꞌ yaꞌhuërinhuëꞌ.

Juan 19:6

Corto huaꞌanoꞌsaꞌ, ponisiaroꞌsaꞌ, inapitari quënanahuatonaꞌ, chiníquën noncarotopi. —¡Corosëquë patanantëquëꞌ chimiin! itopi. Inachin inachin itápi. —Canpitari corosëquë patanantatomaꞌ, tëpacoꞌ. Co casoꞌ nohuantërahuëꞌ tëpaꞌhuasoꞌ. Co mantaꞌ onporinhuëꞌ, tënahuë casoꞌ, itërin Piratori.

Hechos 13:28

Co maꞌmarë tërantaꞌ tëpacasohuëꞌ nipirinhuëꞌ, Pirato shaꞌhuitopi: ‘Tëpaquëꞌ,’ itopi.

Hechos 19:34

“inasoꞌ cotio quëmapi,” taꞌtonaꞌ, co yanatanpihuëꞌ. “¡Ma noyacha Artimisaso paya! Ina chinotërëhuasoꞌ,” tosapi chiníquën nonatonaꞌ. Catoꞌ ora pochin naporápi.

Hebreos 7:26

Quisocristoíchin nanan anoyatërinpoaꞌ. Inasoꞌ corto huaꞌan chini chiníquën nanantërinso pochin nicaton, nóya ninin. Co piꞌpian tërantaꞌ oshahuaninhuëꞌ. Co nëꞌhuëtërinso pochin nininhuëꞌ. Co oshahuanoꞌsa pochin cancantërinhuëꞌ. Inápaquë panantahuachina, Yosëri chini chiníquën nanan quëtërin.

1 Pedro 1:19

Huiꞌninso nipirinhuëꞌ noya noya. Ina chiminpachina, huënainën paꞌnin. Iráca cotioroꞌsaꞌ co noyahuëꞌ nipachinara, carniroaꞌhua noyápiachin nininsoꞌ masahuatonaꞌ, tëpapi. Inapochachin Quisocristosoꞌ nóya. Co mantaꞌ oshahuanaponahuëꞌ, corosëquë chiminin. Oshanënpoaꞌ inquitatonpoaꞌ, ocoirinpoa huachi.