Marcos 14:72 - Chayahuita (Shahui)

⁷² Naporo chachin atari përaantarin. Atari natanahuaton, Quisosori napotërinsoꞌ Pitro yonquirin: “Coꞌhuara atari catoroꞌ përashatërasohuëꞌ, cararoꞌ nonpinapiaranco,” itërinco, taꞌton chiníquën sëtërin. Sëtaton, naꞌnërin.

Marcos 14:72 ပူးပေါင်းရင်းမြစ်များ

Ezequiel 36:31

Naporoꞌ co noyahuëꞌ ninamasoꞌ, nishinahuën ninamasoꞌ, inapita yonquiatoma tapanapomaꞌ.

Mateo 26:34

—Noꞌtëquën iyasha, itëranquën. Ipora tashi chachin coꞌhuara atari përashatërasohuëꞌ, cararoꞌ nonpinapiaranco. “Co casoꞌ Quisoso nohuitërahuëꞌ,” toconapon, itërin Quisosori.

Marcos 14:30

—Noꞌtëquën iyasha itaranquën. Ipora tashi chachin coꞌhuara atari catoroꞌ përashatërasohuëꞌ, cararoꞌ nonpinapiaranco. “Co casoꞌ Quisoso nohuitërahuëꞌ,” toconapon, itërin Quisosori.

Marcos 14:68

—¿Ma quëmapitaꞌ napotëransoꞌ? Co casoꞌ ina quëmapi nohuitërahuëꞌ, itërin. Ina quëran pipirahuaton, paira yaꞌcoanaquë paꞌnin. Naporoꞌ atari përarin.

Marcos 14:71

—¡Coꞌchi nohuitërahuë paya! Yosë niꞌsárinco, co carisoꞌ nohuitërahuëꞌ. Nonpintohuatënquëmasoꞌ, Yosë anaꞌintarinco, itërin Pitrori.

Lucas 22:60

—¡Coꞌchi iyasha paya! Co carisoꞌ nohuitërahuëꞌ, itaantarin. Nonasoꞌ, atari përarin.

Lucas 22:62

aipiran pipirahuaton, naꞌnërin. Chiníquën sëtaton, naꞌnërin.

2 Corintios 7:10

Oshanënpoa marëꞌ sëtatëhuaꞌ, Yosë nontohuatëhuaꞌ, catahuarinpoaꞌ co noyahuëꞌ yonquirëhuasopita naniantacaso marëꞌ. Ina pochin sëtacasoꞌ noya, tënahuë. Ina quëran anoyacancantarinpoaꞌ. Co imapisopitasohuëꞌ nipirinhuëꞌ topinan quëran sëtopi. Co oshanënaꞌ naniantohuachinahuëꞌ, chiminpachinaꞌ, Yosëri anaꞌintarin.