Marcos 14:54 - Chayahuita (Shahui)

⁵⁴ Pitroso nipirinhuëꞌ, aquë quëran imaquiarin. Corto huaꞌan iꞌiratëꞌ pairapirinquë huarëꞌ imaquirin. Inaquë yaꞌconahuaton, ponisiaroꞌsapitarëꞌ huënsëaton, napëntarin.

Marcos 14:54 ပူးပေါင်းရင်းမြစ်များ

1 Reyes 19:13

Ina natanaton, aipi aꞌmorinso quëran nipaꞌcopirayatërin. Inaporahuaton pipiintarin. Naporoꞌ Siniorori nontaton itapon: “¿Maꞌta isëquë nisaran Iniasë?” itërin.

1 Reyes 19:9

Cancontarahuaton, motopi naninquë huëꞌëcaso marëꞌ yaꞌconin. Yaꞌconpirinhuëꞌ, Siniorori itapon: “¿Maꞌta isëquë nisaran Iniasë?” itërin.

Mateo 26:3

Ina quëran corto huaꞌanoꞌsaꞌ, cotio ansianoꞌsaꞌ, inapita Caihuasë pëinënquë niyontonpi. Inasoꞌ corto huaꞌan, chini chiníquën nanantërin.

Mateo 26:58

Pitroso nipirinhuëꞌ, aquë quëran imaquiarin. Iꞌiratëquë huarëꞌ imaquirin. Pairaanaquë yaꞌconahuaton, ponisiaroꞌsapitarëꞌ huënsëquirin. “¿Maꞌtaꞌ onpotaponaꞌ? Tëpaponaꞌ nimara,” taꞌton, niꞌsárin.

Marcos 14:38

Ama huëꞌëtomahuëꞌ, niꞌtácoꞌ. Yosë nontácoꞌ ama sopai minsëinquëmaso marëhuëꞌ. Cancanëma quëran Yosë yanatëpiramahuëꞌ, co canpitaora chiníquën cancantëramahuëꞌ, itërin.

Marcos 14:66

Pitroso iꞌiratëquë yaꞌhuëápirinhuëꞌ, aꞌna sanapi huëꞌnin. Corto huaꞌan cosonanën inasoꞌ.

Lucas 22:44

Ina quëran paꞌpi sëtaton, chiníquën Yosë nontaantarin. Oncainën huënai pochin noꞌpaquë huiꞌshirin.]

Lucas 22:54

Quisoso masahuatonaꞌ, corto huaꞌan chini chiníquën nanantërinsoꞌ pëinënquë quëpapi. Pitrori aquë quëran imaquiarin.

Juan 18:18

Naporoꞌ tashiꞌ sëhuën niꞌton, ponisiaroꞌsaꞌ, inpriatoroꞌsaꞌ, inapita pëyara quëran nani aꞌpëtopi. Inaquë huanirahuatonaꞌ, napëntapi. Pitrontaꞌ inaquë napëntapatarin.

Juan 18:25

Simon Pitroso nipirinhuëꞌ huaniton, napëntarin. —¿Quëmarintaꞌ iso quëmapi imamaranquën ti? itërin ponisiari. —Coꞌchi imarahuë paya, itantarin.

1 Samuel 13:7

Naꞌcon chachin Israiro sontaroꞌsa Cortaniiꞌ pëntontopi. Caro huënton noꞌpanën parti, naꞌpicaiso marëꞌ napopi. Carata partintaꞌ, paꞌpi. Saonoso napoaponahuëꞌ, Quiricaroquëranchin quëparitërin. Yaꞌipi sontaronënpitanta paꞌpi tëꞌhuaponaraihuëꞌ, inarë quëparitopi.