Marcos 14:49 - Chayahuita (Shahui)

⁴⁹ Coꞌtana nani tahuëriya Yosë pëinënquë yaꞌhuëato, aꞌchinárahuë. Nicapomaracohuëꞌ, co manamacohuëꞌ. Napoaponahuëꞌ, Yosë quiricanën quëran ninorinacoso chachin masaramaco, itërin.

Marcos 14:49 ပူးပေါင်းရင်းမြစ်များ

Mateo 1:22

Iráca Yosë nohuanton, pënëntonaꞌpi ninorin. Ninoton, Yosë quiricanënquë chachin ninshitërin:

Mateo 26:54

Napoaponahuëꞌ, co nohuantërahuëꞌ chaꞌëcaꞌhuasoꞌ. Nichaꞌërinaco naporini, co huachi ninorinacosoꞌ naniitonhuëꞌ. Yosë nohuanton, chiminarahuë, itërin caꞌtanoꞌsanënpita.

Mateo 26:55

Ina quëran piyapiꞌsaꞌ itapon: —Sahuëni, shonqui, inapita sëꞌquërahuatomaꞌ, huëcapairamaco. Tëpatonaꞌpi pochin cancantatomaco, ¿yamanamaco ti? Coꞌtana nani tahuëri Yosë chinotopiso pëiquë huënsëato, aꞌchinárahuë. Nicapomaracohuëꞌ, co manamacohuëꞌ.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Marcos 10:1

Capinaomo quëran pipirahuaton, Cotia parti paantarin. Naporahuaton, Cortaniiꞌ aquëtëran paꞌnin. Inaquë naquëranchin naꞌa piyapiꞌsari huëcapaipi. Quisosori aꞌchintantarin. Nani tahuëri huëꞌpachinara, noya aꞌchintarin.

Marcos 11:27

Ina quëran Quirosarinquë huëantapi. Yosë chinotopiso pëiquë yaꞌconcoantahuachina, cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ inapitari huëcapaipi.

Marcos 12:35

Ina quëran Yosë chinotopiso pëiquë Quisosori piyapiꞌsaꞌ aꞌchintaantarin. —Iráca quiricanën quëran Yosë tapon: “Aꞌna tahuëri aꞌna quëmapi acoarahuë piyapiꞌsaꞌ nichaꞌëcaso marëꞌ. Inasoꞌ Cristo,” tënin. Cotio maistroꞌsasoꞌ aꞌchinpachinara, “Cristosoꞌ Tapi shiaꞌhuain,” topi. ¿Onpoatontaꞌ naporin? Ina iyaroꞌsaꞌ yonquicoꞌ.

Marcos 14:48

Quisosori piyapiꞌsaꞌ itapon: —Sahuëni, shonqui, inapita sëꞌquëërahuatomaꞌ, huëcapairamaco. Matararo pochin cancantatomaco, ¿yamanamaco ti?

Marcos 14:50

Ina quëran yaꞌipi caꞌtanoꞌsanënpitari taꞌananpipi.

Lucas 19:47

Ina quëran nani tahuëri inaquë aꞌchinin. Corto huaꞌanoꞌsaꞌ, cotio maistroꞌsa, ninanoꞌ huaꞌanoꞌsaꞌ, inapitasoꞌ noꞌhuitonaꞌ, Quisoso yatëpapirinahuëꞌ.

Lucas 22:37

Iráca Yosë quiricanën quëran ninorinaco. “Apiroꞌsarëꞌ acorapi,” tënin. Napopiso chachin apiroꞌsa pochin cancantatonaco, masarinaco. Yaꞌipi ninorinacosoꞌ nanicaso yaꞌhuërin, tënin.

Juan 10:23

ishpanamën pochin nininquë paꞌsarin, inaso “ishpana, Saromon ishpananën,” itopi nohuitatonaꞌ.

Juan 18:20

—Casoꞌ aꞌninquëchin piyapiꞌsaꞌ aꞌchintërahuë. Niyontonpiso pëiquë, Yosë chinotopiso pëiquë, inaquëpita cotioroꞌsaꞌ niyontonpachinara, aꞌchintërahuë. Co poꞌoana quëran aꞌchinahuëꞌ.

Juan 7:37

Pita taꞌhuantërinsoꞌ tahuëri naꞌcon naꞌcon yonquipisoꞌ niꞌton, notohuaroꞌ piyapiꞌsaꞌ niyontonpi. Naporoꞌ Quisosori huanirahuaton, chiníquën itapon: —Yamororëso pochin cancantohuatamaꞌ, huëcoꞌ imaco sano cancantamaso marëꞌ.

Juan 8:12

Ina quëran piyapiꞌsaꞌ aꞌchintantarin. —Casoꞌ aꞌpintatë pochin nicato, yaꞌipi piyapiꞌsaꞌ noꞌtëquën anitotarahuë. Imapatamaco, co huachi tashinan pochin cancantaramahuëꞌ. Tahuëri pochin cancantaramaꞌ. Ina pochin cancantohuatamaꞌ, Yosë nohuitatomaꞌ nanpimiataramaꞌ.

Juan 8:2

Tahuëririnquë tashiramiachin Yosë chinotopiso pëiquë paantarin. Naꞌa piyapiꞌsaꞌ huëꞌpi ina natanacaiso marëꞌ. Inaquë huënsërahuaton, aꞌchinapirinhuëꞌ,