Marcos 14:31 - Chayahuita (Shahui)

³¹ —Quëma imasaranquën niꞌton, yatëpapirinacohuëntaꞌ, co onporontaꞌ nonpinapiaranquënhuëꞌ, itërin Pitrori. Inachachin topi yaꞌipiya.

Marcos 14:31 ပူးပေါင်းရင်းမြစ်များ

Éxodo 19:8

Ansianoꞌsaso paꞌsahuatonaꞌ, yaꞌipi israiroꞌsa Yosë naporinso shaꞌhuitopi. Ina natanahuatonaꞌ: —Noyapaꞌ. Maꞌsona Yosë camaitërinso nisarai, topi. Napohuachinara, Moisësë naquëranchin motopiquë paantarahuaton, napopisoꞌ Sinioro shaꞌhuitontarin.

Mateo 10:33

Nipirinhuëꞌ, ‘aꞌporahuë huachi,’ topatamasoꞌ, carinquëmantaꞌ aꞌpoaranquëmaꞌ. ‘Co imarinacohuëꞌ,’ itarahuë Tata Yosë,” tënin Quisoso.

Marcos 10:39

—Ahuantarai, itopi cato chachin. —¡Naporinchi paya! Ca pochin mini canpitantaꞌ main oꞌorëso pochin parisitaramaꞌ. Iꞌquë yaꞌcoitërëso pochin parisitaramaꞌ.

Marcos 14:30

—Noꞌtëquën iyasha itaranquën. Ipora tashi chachin coꞌhuara atari catoroꞌ përashatërasohuëꞌ, cararoꞌ nonpinapiaranco. “Co casoꞌ Quisoso nohuitërahuëꞌ,” toconapon, itërin Quisosori.

Marcos 14:32

Ina quëran nararoquë canconpi, Quisimani itopiquë. —Isëquë iyaroꞌsaꞌ huënsëtacoꞌ. Yosë nontëriꞌi, itërin Quisosori.

Lucas 23:23

“¡Corosëquë patanantëquëꞌ chimiꞌin!” itaantapi. Chiníquën nontápi niꞌton, “Inta nipachin,” itërin.

Juan 13:37

—¿Onpoatontaꞌ Sinioro co apira nanitërahuëꞌ imaꞌhuanquënsoꞌ? ¡Imaranquën niꞌton, yatëpapirinacohuëntaꞌ, imamiataranquën! itërin.