Marcos 14:1 - Chayahuita (Shahui)

¹ Catoꞌ tahuëri pahuanarin Pascoa nanicasoꞌ. Naporoꞌ Yosëri iráca nichaꞌërinsoꞌ yonquiatonaꞌ, coshatapi. Pan co huëpocatërinsohuëꞌ caꞌsapi. Pascoa naniriahuachina, cotio huaꞌanoꞌsaꞌ, cotio maistroꞌsaꞌ, inapitari chinotapi onporahuatonsona Quisoso macacaiso marëꞌ. Nonpintatonaꞌ, yatëpapi.

Marcos 14:1 ပူးပေါင်းရင်းမြစ်များ

Génesis 37:18

Inapitarintaꞌ, áquë quëran Cosi quënanpi. Quënanahuatonaꞌ, coꞌhuara yaꞌcarichátërasohuëꞌ, tëpacaiso marëꞌ aꞌnaroáchin yonquipi.

Éxodo 12:1

Moisësë, Aaron, inapita Iquipitoquë chachin niꞌsoiꞌ, Yosëri shaꞌhuitërin israiroꞌsa shaꞌhuitacaiso marëꞌ:

Mateo 12:14

Ina nicatona parisioroꞌsasoꞌ pipipi. Pipirahuatonaꞌ, Quisoso tëpacaiso marëꞌ yonquipi huachi.

Mateo 6:2

Maꞌsha saꞌahuaroꞌsaꞌ quëtohuatamaꞌ, ama aꞌninquëchin quëtocosohuëꞌ. Aꞌnaquën niyontonpiso pëiquë yaꞌconahuatonaꞌ, coriqui saꞌahuaroꞌsa marëꞌ quëtopirinahuëꞌ, aꞌninquëchin quëtopi. ‘Ina marëꞌ noya niꞌsarinacoi,’ taꞌtonaꞌ, napopi. Cachiquëntaꞌ coriqui quëtopi piyapiꞌsari nicacaiso marëꞌ. Co tëhuënchachin nosoroaponaraihuëꞌ, napopi. Piyapiꞌsarisoꞌ noya niꞌpirinahuëꞌ, Yosërisoꞌ co noyahuëꞌ niꞌnin. Co inápaquë acanaarinhuëꞌ, tënahuë.

Marcos 14:12

Pascoa nanihuachina, nisha pan caꞌpi, co huëpocatërinsohuëꞌ. Naporoꞌ tahuëri chachin carniroaꞌhua iráca tëpapiso pochin tëpaantapi capatonaꞌ yonquicaiso marëꞌ. Nani piꞌipiquë cotioroꞌsaꞌ naporápi niꞌton, caꞌtanoꞌsanënpitari Quisoso itaponaꞌ: —¿Intohuataꞌ Maistro paatoi Pascoa cosharoꞌ nii capacaso marëꞌ? itopi.

Marcos 14:2

—Ama niyontonpiso tahuëriꞌsa chachin maahuasohuëꞌ, piyapiꞌsaꞌ noꞌhuihuachinënpoaꞌ. Quisoso paꞌyatapi niꞌton, ahuëarinënpoaꞌ, topi aꞌnaquën.

Juan 11:47

Ina natanahuatonaꞌ, parisioroꞌsaꞌ, corto huaꞌanoꞌsaꞌ, inapita napopianáchin yonquiatonaꞌ, yaꞌipi cotio huaꞌanoꞌsaꞌ ayontonpi ninontacaiso marëꞌ. —¿Maꞌtaꞌ onpotahuaꞌ? Ina quëmapi naꞌa piyapiꞌsaꞌ aꞌnaroáchin anoyatarin. Iporantaꞌ aꞌna piyapi chiminpirinhuëꞌ, ananpitaantarin. “Yosëri chachin catahuarin,” topi.

Juan 13:1

Aꞌna tahuëríchin pahuanarin Pascoa nanicasoꞌ. Naporoꞌ naniarin Quisoso chiminaton, Tata Yosëꞌpaꞌ panantacasoꞌ. Ina nitotërin. Caꞌtanoꞌsanënpitacoi naꞌcon nosororincoi. Chiminaquë huarëꞌ nosoromiatërincoi.

Hechos 12:4

Mapachinara, tashinan pëiquë apoꞌmotërin. Shonca saota sontaroꞌsaꞌ acorin aꞌpaicaiso marëꞌ. Catapini, catapini yaꞌpiri niꞌsapi. Niyaꞌhuërëtatonaꞌ, tashirë chachin aꞌpairapi. “Pascoa naꞌhuëhuachin, piyapiꞌsaꞌ niꞌtërantapaiquë Pitro anaꞌintarahuë,” tënin huaꞌan yonquiaton.