Marcos 13:36 - Chayahuita (Shahui)

³⁶ Niꞌcona aꞌnanaya oꞌmato, huëꞌësënquëmaꞌ quënanquimatënquëmaꞌ.

Marcos 13:36 ပူးပေါင်းရင်းမြစ်များ

Mateo 25:5

Huaꞌan huaꞌquirin niꞌton, tashitopi. Yahuëꞌëtonaꞌ, yaꞌipimiáchin huëꞌëpi.

Marcos 14:37

Ina quëran huënantapirinhuëꞌ, cara chachin huëꞌësápi quënanquintarin. —¿Onpoatoncha iya Simon, huëꞌësaran paya? ¿Co aꞌna ora tërantaꞌ nanitëranhuëꞌ niꞌtamasoꞌ ti?

Marcos 14:40

huënantapirinhuëꞌ, naquëranchin huëꞌëantapi quënanquinantarin. Huëꞌëiꞌ iquitatonaꞌ, huëꞌësápi. Tapanatonaꞌ, co nanitopihuëꞌ maꞌsha taꞌcaisoꞌ.

Lucas 21:34

Niꞌcona naniantotamaco. Ama pita paꞌyatacasoachin cancantocosohuëꞌ. Ama noꞌpicosohuëꞌ. Ama maꞌsharáchin yonquicosohuëꞌ. Ina pochin cancantohuatamaꞌ, co aquëtëꞌ yonquiaramacohuëꞌ. Co noya ninahuatamacohuëꞌ,

Lucas 22:45

Nani Yosë nontohuachina, caꞌtanoꞌsanënpita paahuantapirinhuëꞌ. Huëꞌësápi quënanconin. Sëtatonaꞌ, huëꞌësápirinahuëꞌ.

Efesios 5:14

Tahuëri nipachina, yaꞌipi quënanëꞌ. Ninshitatona napopiso chachin ninin. “Co noyahuëꞌ nipatamaꞌ, huëꞌërëso pochin cancantaramaꞌ. Ama ina pochin cancantatomarahuëꞌ, Yosë yonquicoꞌ. Chimipi pochin cancantohuatamaꞌ, Yosë nontocoꞌ nasha cancan quëchinquëmaꞌ. Ina quëran nanpiantarëso pochin cancantaramaꞌ. Quisocristo chachin aꞌpintarinquëmaꞌ noya nicacamaso marëꞌ,” topi.