Marcos 12:44 - Chayahuita (Shahui)

⁴⁴ Maꞌhuanoꞌsasoꞌ naꞌa coriquihuanatonaꞌ, yaꞌsotopisoꞌ acopi. Iso sanapiso nipirinhuëꞌ, piꞌpian yaꞌhuëcharinso tërantaꞌ tiquirin. Co huachi yaꞌhuëtërinhuëꞌ. Napoaton naꞌcon naꞌcon Yosë quëtërin, tënahuë, itërin.

Marcos 12:44 ပူးပေါင်းရင်းမြစ်များ

Marcos 12:43

Caꞌtanoꞌsanënpita përasahuaton, Quisosori itapon: —Noꞌtëquën itëranquëmaꞌ. Naꞌa piyapiꞌsaꞌ naꞌcon coriqui poꞌmorapirinahuëꞌ, iso quëyoronsoꞌ, naꞌcon naꞌcon poꞌmoquirin, tënahuë.

Marcos 14:8

Iso sanapisoꞌ cancanën quëran noya yonquiaton, inapotërinco. Coꞌhuara chimiyantërasocohuëꞌ, nosoroatonco, nonëhuë huaꞌsaiquë opotërinco paꞌpitinacoso marëꞌ.

Lucas 15:12

huaꞌhua nininsoari paꞌpin itërin: ‘Aꞌna tahuëri yaꞌipi maꞌshanënpita iyahuëroꞌco patomatarancoi. Caso nipirinhuëꞌ apira nohuantërahuë. Ipora tata quëtochanco, topirahuëꞌ,’ itërin. Itohuachina, patoma maꞌshanënpita quëtërin.

Lucas 15:30

Iso huiꞌnanso nipirinhuëꞌ, aquë paaton noꞌpiárin. Monshihuanárin. Coriquinën quëtopiranhuëꞌ, yaꞌipi iꞌquirin. Ina quëran huënantahuachina, quëmari nosoroaton, paꞌyatëran. Toroaꞌhua amoshin nininsoꞌ atëpatëran coshatacaiso marëꞌ,’ itërin.

Lucas 8:43

Paaquëyaꞌ, aꞌna sanapiri imaquiarin. Huaꞌquiꞌ panca huënaiꞌ aꞌparárin. Nani shonca catoꞌ piꞌipi co sanorinhuëꞌ. Naꞌa notoroꞌsari nonënpirinahuëꞌ. Yaꞌipi coriqui iꞌquiaponahuëꞌ, co mantaꞌ noyatërinhuëꞌ.

Deuteronomio 24:6

Aꞌna piyapi nihuihuachinquëmaꞌ: ‘Nihuirancosoꞌ pahuërëanco huarëꞌ, pëꞌsanto naꞌpinën cari taparahuë,’ ama itocosohuëꞌ. Ina quëtohuachinquënsoꞌ, co huachi nanitarinhuëꞌ onpo nanpicasoꞌ.

1 Juan 3:17

Quisocristo imarëhuasopita capini noya ninosorocasoꞌ yaꞌhuërin. Aꞌnapita maꞌsha pahuantohuachinaꞌ, catahuahuaꞌ. Capa capacaisoꞌ nipachin, capa aꞌmocaisoꞌ nipachin quëtahuaꞌ. Co inapita catahuahuatëhuahuëꞌ, co tëhuënchachin nosororëhuahuëꞌ. Co canpoa capini ninosorohuatëhuahuëꞌ, co Yosëntaꞌ nosororëhuahuëꞌ.